તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આયોજન:બનાસકાંઠામાં 29 ઓગસ્ટે 1.25 લાખ પરિવાર પ્રકૃતિનું વંદન કરી પૂજન કરશે

પાલનપુરએક મહિનો પહેલા
  • કૉપી લિંક
  • તમામ જગ્યાએથી સોશિયલ મીડિયા પર લાઈવ પ્રસારણ કરાશે

બનાસકાંઠામાં રવિવારે સવારે 10 વાગે સવા લાખ પરિવારો દ્વારા પ્રકૃતિનું વંદન કરી પૂજન કરાવવામાં આવનાર છે. 12 દિવસમાં જિલ્લામાં 1 લાખ લોકોનું રજિસ્ટ્રેશન થઇ ગયું છે. જેમાં શાળા મહાશાળાના વિધાર્થીઓ ઘરેજ પરિવાર સાથે ઇવેન્ટમાં જોડાશે. તેમજ વેબ કાસ્ટિંગ દ્વારા તમામ જગ્યાએથી સોશિયલ મીડિયા પર કાર્યક્રમનું લાઈવ પ્રસારણ કરાશે.

હિન્દુ આધ્યાત્મિક અને સેવા ફાઉન્ડેશન (HSSF) ના બનાસકાંઠા વિભાગના સંયોજક ગજાનનભાઈ જોષીએ જણાવ્યું હતું કે "હિન્દુ આધ્યાત્મિક અને સેવા ફાઉન્ડેશન પર્યાવરણ સંરક્ષણ ગતિવિધિ અંતર્ગત પર્યાવરણ-વન અને વન્યજીવોના રક્ષણ માટે રવિવારે 29 ઓગસ્ટએ સમગ્ર ભારતમાં સવારે 10 વાગે પ્રકૃતિ વંદનના કાર્યક્રમનું આયોજન કરવામાં આવ્યુ છે.

લીંકમાં રજિસ્ટ્રેશન કર્યા બાદ આ પ્રકૃતિ વંદનમાં સહભાગી થવા શાળા કોલેજમાં રજિસ્ટ્રેશન પ્રક્રિયા ચાલી રહી છે. જેમાં પરિવાર સાથે જ ઘરમાં તુલસી અથવા કોઈપણ વૃક્ષ કે છોડનું વંદન કરાશે અને પર્યાવરણની રક્ષા માટે સંકલ્પ પણ લેશે. સમગ્ર દેશમાં આ કાર્યક્રમ દરમિયાન લોકોએ યોગ્ય અંતર સાથે માસ્ક પહેરી વૃક્ષ અને તુલસી વંદના કરવા સૂચના આપવામાં આવી છે. આ કાર્યક્રમનું સોશિયલ મીડિયાના અલગ અલગ પ્લેટફોર્મ પર વેબકાસ્ટિંગ દ્વારા જીવંત પ્રસારણ પણ કરાશે. "

અન્ય સમાચારો પણ છે...