ધરપકડ:પાલનપુરમાં જુગાર રમતાં ચાર ઝડપાયા

પાલનપુરમાં જુના બાળ રિમાન્ડ હોમની ખુલ્લી જગ્યામાં જુગાર રમતાં ચાર શખ્સોને પોલીસે ઝડપી તેમની સામે ગુનો નોંધ્યો હતો. પૂર્વ પોલીસ મથકની ટીમે રવિવારે સાંજે ઓચિંતો છાપો માર્યો હતો. જ્યાં ગંજીપાનાથી હારજીતનો જુગાર રમતાં પાલનપુરના દીલાવરખાન સલીમખાન પઠાણ, પરવેજ અખ્તરભાઇ ચૌહાણ, જાવેદ એહમદ સિંધી અને અલ્તાફ નજીરમીંયા સિંધીને ઝડપી લીધા હતા. જેમની પાસેથી રોકડ સહિત કુલ રૂપિયા 1800નો મુદ્દામાલ કબ્જે લઇ કાયદેસરની કાર્યવાહી હાથ ધરવામાં આવી હતી.