ક્રાઇમ:પાલનપુરમાં બે સ્થળોએ જુગાર રમતાં આઠ ઝડપાયા

પાલનપુરમાં ઓવરબ્રીજ તેમજ મોટી બજાર વિસ્તારમાંથી જુગાર રમતાં આઠ શખ્સોને ઝડપી લીધા હતા. જેમની પાસેથી રૂપિયા 1840નો મુદ્દામાલ કબ્જે લઇ કાયદેસરની કાર્યવાહી હાથ ધરી હતી. પાલનપુરમાં ઓવરબ્રીજ નીચે ઝુંપડપટ્ટી પાસે જુગાર રમાતો હોવાની બાતમીના આધારે પોલીસે ઓચિંતો છાપો માર્યો હતો.

જ્યાં જુગાર રમતાં ઢુંઢીયાવાડી વિસ્તારના અર્જુનભાઇ ભીખાભાઇ બજાણીયા, અનીલભાઇ ભીખાભાઇ બજાણીયા, શીવાભાઇ રાજુભાઇ બજાણીયા, અજયભાઇ બજાણીયાને ઝડપી લીધા હતા. જેમની પાસેથી રૂપિયા 560નો મુદ્દામાલ કબ્જે લેવાયો હતો. જ્યારે મોટી બજાર વિસ્તારમાં હાઇસ્કુલની બાજુમાં ટાવર પાસે જુગાર રમતાં મહંમદનુર નિઝામુદ્દીન નાગોરી, ઇમરાનભાઇ નુરમહંમદ નાગોરી, ફિરોજખાન હૈદરખાન નાગોરી, જેતુલ આબેદીન યુસુફખાન નાગોરીને ઝડપી લીધા હતા. જેમની પાસેથી રૂપિયા 1280નો મુદ્દામાલ કબ્જે લીધો હતો.