ધરપકડ:જિલ્લામાં બીએસએનએલ ટાવરની બેટરીની ચોરી કરતી ટોળકી ઝડપાઈ, LCB-SOGની ટીમે પાંચ આરોપીને ઝડપી લીધા

બનાસકાંઠા જિલ્લામાં બી. એસ. એન. એલ. ટાવરની બેટરીઓની ચોરી કરતી ટોળકીના પાંચ આરોપીઓને એલ. સી. બી. અને એસ. ઓ. જીની ટીમે ઝડપી લીધા હતા. અને ત્રણ ગૂનાના ભેદ ઉકેલ્યા હતા. બનાસકાંઠા જિલ્લા એલ. સી. બી. પીઆઇ એચ. પી. પરમાર અને એસ. ઓ. જી. પીઆઇ ડી. આર. ગઢવી સ્ટાફ સાથે આગથળા પોલીસ મથક વિસ્તારમાં પેટ્રોલીંગમાં હતા. ત્યારે ઇકો ગાડી નં. જીજે. 1. ડી. એક્ષ. 2025 અને ટેમ્પો ગાડી નં. જીજે. 08.એયુ. 3054ને ઉભી રખાવી તલાસી લેતાં અંદરથી બેટરીઓ, કાર્ડ મળી આવ્યા હતા. આ અંગે બંને વાહનો સહિત કુલ રૂપિયા 6,44,100નો મુદ્દામાલ કબ્જે લઇ પાંચ શખ્સોની અટકાયત કરી હતી. જેમણે લાખણી તાલુકાના કાતરવા ગામે તેમજ દિયોદરમાં ચોરી કરી હોવાની કબુલાત કરી હતી.

ઝડપાયેલા આરોપીઓ
અશોકભાઇ મોહનભાઇ વજીર (રહે. લાખણી),જયેશભાઇ પુખરાજભાઇ દરજી (રહે. લાખણી),રમેશભાઇ કરશનભાઇ વજીર (રહે. લાખણી),સકીલ અહેમદ મોલાનાસુબહાની શેખ (રહે. પાલનપુર),અરમાન મહમદભાઇ શેખ (રહે. પાલનપુર)