દુખદ:પાલનપુર નજીક કારની ટક્કરે બાઇક ચાલકનું મોત

પાલનપુર - અંબાજી હાઇવે ઉપર રતનપુર નજીક રવિવારે મોડીસાંજે કારની ટક્કરે પાલનપુર તાલુકાના નળાસર ગામના બાઇક ચાલક યુવકનું ઘટનાસ્થળે મોત નિપજ્યું હતુ.આ બનાવ અંગે પોલીસને જાણ કરવાની તજવીજ હાથ ધરાઈ છે.આ બનાવને લઈ ગમગીની છવાઈ ગઈ હતી.

પાલનપુર - અંબાજી હાઇવે ઉપર રતનપુર મેરવાડા વચ્ચે સર્જાયેલા અકસ્માતની વિગતો એવી છે કે, નળાસર ગામના મેહૂલભાઇ ભાટીયા (ઉ.વ.20) બાઇક લઇને પસાર થઇ રહ્યા હતા. ત્યારે પુરઝડપે આવેલી કારે ટક્કર મારી હતી. અકસ્માતને પગલે પાલનપુર 108ના પાયલટ જીતુભાઇ પ્રજાપતિ અને ઇએમટી ધવલભાઇ જેતપુરા ઘટનાસ્થળે દોડી ગયા હતા. જોકે, અકસ્માતમાં ગંભીર ઇજાગ્રસ્ત મેહુલભાઇ ભાટીયાનું ઘટનાસ્થળે મોત નિપજ્યું હતુ.