મતદાતા જાગો:ડીસામાં મતદાન જાગૃતિ અંગે શિક્ષકો દ્વારા બાઇક રેલી યોજાઈ, લોકોને વિવિધ સ્લોગનો થકી વાત પહોંચાઇ

આગામી 28 ફેબ્રુઆરીએ સ્થાનિક સ્વરાજની ચૂંટણીનું મતદાન યોજાવાનું છે. જેના ભાગરૂપે સરકાર દ્વારા લોકોમાં મતદાન વિશે જાગૃતિ આવે લોકો વધુ મતદાન કરે તેના ભાગરૂપે અવનવા કાર્યક્રમો કરવામાં આવી રહ્યા છે. ત્યારે બનાસકાંઠાના જિલ્લા શિક્ષણ વિભાગ દ્વારા લોકોમાં જાગૃતિ આવે તેના ભાગરૂપે ડીસા ખાતે મતદાન જાગૃતિના કાર્યક્રમનું આયોજવા કરવામાં આવ્યો હતો.

લોકોમાં મતદાન વિશે જાગૃતિ લાવવા રેલી યોજાઈ
જેમાં ડીસા સરકારી શાળાના શિક્ષકોએ બાઇક રેલીનું આયોજન કર્યું હતું. આ રેલીમાં ડીસા મામલતદાર કચેરીથી સીટી મામલતદાર લાલજી મકવાણાએ લીલી ઝંડી આપી બાઇક રેલીનું પ્રસ્થાન કરાવ્યું હતું. આ બાઇક રેલીમાં શિક્ષકો દ્વારા મતદાન જાગૃતિ અંગેના અલગ-અલગ સ્લોગનો વાળા પોસ્ટર બાઇક પર લગાડીને ડીસાના જાહેર માર્ગ પર બાઇક રેલી કાઢી હતી.

આ રેલી અલગ અલગ વિસ્તારોમાં કાઢવામાં આવેલી અને લોકોમાં મતદાન વિશે જાગૃતિ આવે એને તેઓ વધુ મતદાન કરે તેના માટે આયોજન કરવામાં આવ્યું હતું. મોટાભાગના વિસ્તારોમાં ફરીને આ રેલી મામલતદાર કચેરીએ આવી પહોંચી હતી.