હુમલો:ભાડકીયાલીમાં મહિલા ઉપર કુહાડીથી હુમલો

લાખણી તાલુકાના ભાડકીયાલી ગામે પશુ બાંધવાની ઓથ બનાવવાના મુદ્દે મહિલા ઉપર હુમલો કરવામાં આવ્યો હતો. ગામના રતનબેન રમેશજી ઠાકોર સહિત તેમના પરિવારજનો પોતાના ઘર પાછળ પશુઓ બાંધવા માટે ઓથ બનાવતા હતા. ત્યારે શામળાજી ખુમાજી ઠાકોર, ખુમાજી મોતીજી ઠાકોર, અનોપજી ખુમાજી ઠાકોર ઉશ્કેરાઇ ગયા હતા. અને કુહાડી, લાકડી વડે હુમલો કરી ઇજાઓ પહોચાડી હતી. આ અંગે રતનબેને આગથળા પોલીસ મથકે ફરિયાદ નોંધાવી હતી.