ચુકાદો:પાલનપુરમાં મારામારી કેસમાં હૂમલાખોરને છ મહિનાની સજા

પાલનપુરના એસટી બસ સ્ટેશન પાસે 15 વર્ષ પહેલાં થયેલી મારામારીમાં કોર્ટે હૂમલા ખોરને છ મહિનાની સજા ફટકારી 10 હજારનો દંડ કરાયો છે ઉપરાંત દંડ ઘાયલને ચૂકવવાનો હુકમ કરાયો છે.

જીગ્નેશ દેવજીભાઈ ચૌધરી અને હિરજી ગલબભાઈ ચૌધરીને 13 ઓગસ્ટ 2005ના રોજ આરોપી રમેશ ઉર્ફે ભુરજી વિરસંગભાઈ ભોળીયાએ લોખંડની પાઇપ હીરજીભાઈના માથામાં અને પગ પર મારી હતી જેમાં વચ્ચે છોડાવવા પડેલા જીગ્નેશને પણ ઈજા થઈ હતી જે બાદ ફરિયાદ દાખલ થયા બાદ સમગ્ર કેસ પાલનપુર ચીફ જ્યુડી. કોર્ટમાં કેસ ચાલી જતાં સરકારી વકીલ કલ્પેશકુમાર રાવલએ રજૂ કરેલા પુરાવાના આધારે મેજિસ્ટ્રેટ નરેન્દ્રભાઈ એમ કડોલીયાએ આરોપી રમેશ ભોળીયા (રહે જગાણા) ને 6 માસની સાદી કેદની સજા અને 10 હજારનો દંડ કર્યો હતો. તેમજ દંડની રકમ અપીલ સમય બાદ ઘાયલ હીરજી પટેલને ચૂકવવાનો હુકમ કરાયો હતો.