મુલાકાત:વારાણસીના 67 દૂધ ઉત્પાદકોના મંડળે બનાસડેરીની મુલાકાત લીધી

બનાસ ડેરીના ચેરમેન શંકરભાઈ ચૌધરીએ સોમવારે બનાસ મેડિકલ કોલેજ મોરિયા ખાતે "પ્રગતિશીલ દૂધ ઉત્પાદક વિકાસ" કાર્યક્રમનો શુભારંભ કરાવ્યો હતો. જેમાં ઉત્તરપ્રદેશના વારાણસી વિસ્તારમાં બનાસડેરી સંચાલિત મિલ્ક કલેક્શન સેન્ટરોના 67 પ્રગતિશીલ દૂધ ઉત્પાદકોનું પ્રતિનિધિ મંડળ પાંચ દિવસની અભ્યાસ તાલીમ માટે બનાસડેરીની મુલાકાતે આવ્યું છે.

બનાસ મેડિકલ કોલેજ મોરીયા ખાતે યોજાઇ રહેલા અભ્યાસ તાલીમ વર્ગની સાથે બનાસડેરીના વિવિધ પ્લાન્ટસની મુલાકાત, આદર્શ પશુપાલન અને પશુ સંવર્ધન અભ્યાસ હેતુ બનાસકાંઠા જિલ્લાના વિવિધ પ્રગતિશીલ દૂધ ઉત્પાદકોના ફાર્મ મુલાકાત, જિલ્લાની આદર્શ દૂધ મંડળીઓની મુલાકાત વગેરે લઈને દૂધ ઉત્પાદકોની આવક વધારવાના બનાસડેરી મોડેલનો પણ અભ્યાસ કરશે.તસવીર-ભાસ્કર