કાર્યવાહી:મેરવાડા નજીકથી રોયલ્ટી પાસ વિના પસાર થતા 8 ડમ્પર ઝબ્બે

પાલનપુરના મેરવાડા રોડ પરથી રોયલ્ટી પાસ વગર પસાર થતા આઠ ડમ્પર બુધવારે ભૂસ્તર વિભાગે ઝડપી લઇ રૂ.2 કરોડનો મુદ્દામાલ કબ્જે કરી દંડ ફટકારવાની કાર્યવાહી હાથ ધરી હતી. બનાસકાંઠામાં રાત્રી દરમીયાન ભૂમાફીયાઓ દ્વારા રોયલ્ટી પાસ વગર ખનિજનું વહન કરવામાં આવતુ હોવાની ફરીયાદોના પગલે બનાસકાંઠા ભૂસ્તર શાસ્ત્રી સુભાષ જોષી દ્વારા મેરવાડા રોડ પર વોચ રાખી ચેકીંગ હાથ ધરવામાં આવ્યુ હતુ. જ્યાં આઠ ડમ્પર ચાલકો રોયલ્ટી પાસ વગર ખનિજનું વહન કરતા ઝડપાયા હતા.જેથી ડમ્પરોને વડગામ પોલીસ મથકે લાવી રૂ.2 કરોડનો મુદ્દામાલ કબજે કર્યો હતો.