કોરોના બેકાબૂ:એક જ દિવસમાં 38, પાલનપુરમાં 23 - ડીસામાં 13 કોરોના પોઝિટિવ

જિલ્લામાં સોમવારે વધુ 38 કેસ કોરોના પોઝિટિવ નોંધાયા હતા. જેમાં પાલનપુર માં જ 23 દર્દી પોઝિટિવ આવ્યા હતા. જ્યારે ડીસામાં 13 સહિત વડગામના મેમદપુર સીએચસીના એક મહિલા કર્મચારી સાથે અમીરગઢમાં પણ એક કેસ પોઝિટિવ આવ્યો છે.

આરોગ્ય વિભાગ દ્વારા એક તરફ કોરોના સામે રક્ષણ મેળવવા માટે રસી આપવામાં આવી રહી છે. ત્યાં બીજી તરફ કોરોનાનું સંક્રમણ પણ ચિંતાજનક હદે વધી રહ્યું છે. જ્યાં સોમવારે જિલ્લામાં એક દિવસે 38 કેસ નોંધાયા હતા. ે આરોગ્ય વિભાગના ડો. એન. કે. ગર્ગએ જણાવ્યું હતુ કે, 38 પોઝિટિવ કેસો પૈકી પાલનપુર માં જ 23 દર્દી પોઝિટિવ આવ્યા હતા. જ્યારે ડીસામાં 13 સહિત વડગામના મેમદપુર સીએચસીના એક મહિલા કર્મચારી સાથે અમીરગઢમાં પણ એક કેસ પોઝિટિવ આવ્યો છે. જેમને કોવિડ હોસ્પિટલમાં સારવાર અર્થે ખસેડી તેમના સંપર્કમાં આવેલા લોકોનો સર્વે હાથ ધરાયો છે. અને હોમ કવોરોન્ટાઇન કરાઈ રહ્યો છે.

સિવિલમાં 126 પૈકી 70 બેડ ખાલી
પાલનપુર સિવિલ હોસ્પિટલ ખાતે કાર્યરત કોવિડ હોસ્પિટલમાં કુલ 126 બેડ છે. આ અંગે સિવિલ સુપ્રિન્ટેન્ડેન્ટ ડો. સુનિલ જોષીએ જણાવ્યું હતુ કે, સોમવારની સ્થિતિએ અત્યારે 56 દર્દીઓ દાખલ છે. જે પૈકી 48 પોઝિટિવ છે. 13 શંકાસ્પદ છે. ઓકિસજન ઉપર 15 જ્યારે બાયપેપ પર 2 દર્દીઓ છે. વેન્ટિલેટર ઉપર એકપણ કેસ નથી.