કાર્યવાહી:ધાનેરાના જનાલી ગામ પાસેથી વિદેશી દારૂ ભરેલ કાર ઝડપાઇ

ધાનેરાના જનાલી ગામ પાસેથી વિદેશી દારૂ ભરેલ કારને પોલીસે ઝડપી બેની અટકાયત કરી હતી.થરાદ નાયબ પોલીસ અધિક્ષક પુજા યાદવ દ્વારા તેમના વિસ્તારમાં દારૂ બંધ કરાવવા માટે ખાસ સુચના આપવામાં આવતા ધાનેરાના પોલીસ સ્ટાફ પેટ્રોલિંગમો હતો. ત્યારે બાતમી મળી કે રાજસ્થાનથી એક ઇકો ગાડીમાં દારૂ આવે છે.

જેથી પોલીસે જનાલી ત્રણ રસ્તા ઉપર નાકાબંધી કરતાં રાજસ્થાન તરફથી આવતી ઇકો ગાડી નંબર જીજે-18-બીડી-6505 ને ઉભી રખાવી તપાસ કરતાં તે ઇકો ગાડીમાંથી વિદેશી દારૂની બોટલ નંગ-60 કિંમત રૂ.38,340, ઇકો ગાડીની કિંમત રૂ.2,00,00 તથા મોબાઇલ ફોન નંગ-2 કિંમત રૂ.10,000 મળી કુલ કિંમત રૂ.2,48,340 ના મુદ્દામાલ સાથે ભાવેશભાઇ ખેંગારભાઇ રબારી (ખટાણા) (રહે.પાસવાળ, ઝાત-ભાડલી, તા.દાંતીવાડા), રત્નાભાઇ મગાભાઇ રબારી (રહે.ઝાત ભાડલી, તા.દાંતીવાડા) ને પકડી કાયદેસરની કાર્યવાહી હાથ ધરવામાં આવી હતી.