સુવિધા:દિયોદર રેફરલ હોસ્પિ.માં ગાયનેક પિડિયાટ્રિક તબીબી સેવાનો પ્રારંભ

દિયોદરમાં આવેલ સામુહિક આરોગ્ય કેન્દ્રમાં છેલ્લા ઘણા સમયથી અધિક્ષકની પોસ્ટ ખાલી હતી. જે પોસ્ટ ઉપર દિયોદર તાલુકા હેલ્થ ઓફિસર તરીકે ફરજ બજાવતા ડો.બ્રિજેશ વ્યાસને અધિક્ષકનો ચાર્જ આપતા સામુહિક આરોગ્ય કેન્દ્રના વહીવટ અને કામ સારી રીતે થઈ રહ્યું છે.

દિયોદરમાં આવેલ સામુહિક આરોગ્ય કેન્દ્ર ડો.બ્રિજેશ વ્યાસને અધિક્ષકનો ચાર્જ આપ્યા બાદ નવીન આવેલ પીડીયાટ્રીક તબીબ ડો.પંકજ ગુપ્તાના સહિયારા પ્રયાસથી સિઝેરિયન ઓપરેશનની શરૂઆત કરી છે. જેમાં બુધવાર રાત્રીના સમયે દિયોદરની એક મહિલાને પ્રસૂતિનો દુ:ખાવો ઉપડતા આ મહિલાને દિયોદરની સામુહિક આરોગ્ય કેન્દ્રમાં લાવાઈ હતી.

જેમાં ડોકટરની તપાસ બાદ આ મહિલાને સિઝેરિયન ઓપરેશન કરવાની જરૂરિયાત પડતા દિયોદરમાં આવેલ પ્રાઇવેટ વિશ્વાસ હોસ્પિટલમાં સેવા આપતા ડો.રોહિત નાડોદા તેમજ ડો.પ્રતીકના સહિયારા પ્રયાસથી મહિલાનું સિઝેરિયન કરી મહિલા બાળકને જીવતદાન આપ્યું હતું.