વેપારીઓને માર્ગદર્શન:માર્ગ સલામતી સપ્તાહ અંતગર્ત ડીસા યાર્ડમાં 200થી વધુ વાહનોને રીફલેક્ટર લગાવાયા

બનાસકાંઠા ટ્રાફિક પોલીસ દ્વારા 32માં માર્ગ સલામતી સપ્તાહની ઉજવણીના ભાગરૂપે ગુરૂવારે ડીસા માર્કેટયાર્ડમાં વાહનોને રીફલેકટર લગાડી ખેડૂતો, વેપારીઓને માર્ગદર્શન આપી નિયમોનું પાલન કરવા અપીલ કરી હતી. બનાસકાંઠા જીલ્લા ટ્રાફિક પોલીસ અને પ્રાદેશિક વાહન વ્યવહાર કચેરીના સંયુક્ત ઉપક્રમે માર્ગ સલામતી સપ્તાહની ઉજવણી અંતર્ગત આરટીઓ અધિકારી તેમજ જીલ્લા ટ્રાફિક શાખાના એએસઆઇ ગોવિંદભાઇ મકવાણા, એએસઆઇ કાનજીભાઇ, હે.કો. માનસિંહભાઇ સહિતના સ્ટાફ દ્વારા ડીસા માર્કેટયાર્ડ ખાતે માલ ખરીદી અને વેચાણ માટે આવતાં વાહનોને રીફલેકટર લગાવ્યા હતાં. અને ખેડૂતો તેમજ વેપારીઓને માર્ગદર્શન આપી ટ્રાફિક નિયમોનું પાલન કરવા અપિલ કરી હતી.