કાર્યવાહી:પિતાએ લોહીવાળું ફ્રોક બતાવી કહ્યું,પુત્રીને ગોળી વાગતાં લોહી નીકળતું હતુ, પોલીસે ઈન્કાર કર્યો

દાંતીવાડાએક વર્ષ પહેલા
  • કૉપી લિંક
પિતાએ બાળકીના લોહીના ડાઘવાળું ફ્રોક મીડિયાને બતાવ્યું હતુ. - Divya Bhaskar
પિતાએ બાળકીના લોહીના ડાઘવાળું ફ્રોક મીડિયાને બતાવ્યું હતુ.
  • દાંતીવાડામાં બાળકીના પેટમાંથી બંદૂકની ગોળી નીકળવાની ઘટના
  • પોલીસે સારવાર કરનારા તબીબનું નિવેદન લીધું,રહસ્ય અકબંધ રહ્યું

દાંતીવાડામાં સપ્તાહ અગાઉ રમતી સાત વર્ષની બાળકીના પેટમાંથી બંદૂકની ગોળી નીકળવાની ઘટનાએ ચર્ચા જગાવી છે ત્યારે બાળકીના પિતાએ લોહીવાળું ફ્રોક બતાવી ગોળી વાગવાથી પેટમાંથી લોહી નીકળતું હોવાનું કહ્યું હતુ તો પોલીસે શરીર પર ઈજા ના નિશાન કે લોહી ન આવતું કોવાનું કહ્યું હતુ.આ કેસમાં પોલીસે તબીબનું નિવેદન લીધું હતુ. દાંતીવાડાના રાવળાવાસમાં રહેતી સૂર્યાબા ધુળસિંગ વાઘેલાના પેટમાં દાંતીવાડા ફાયરિંગ રેંજમાંથી ગોળી વાગી હોવાના આક્ષેપ સાથે પાલનપુરની ખાનગી હોસ્પિટલમાં ઓપરેશન કરી ગોળી બહાર કાઢવામાં આવી હતી.

જોકે, બાળકીને આ ગોળી (બુલેટ) વાગી છે કે, તેણી ગળી ગઇ છે તે અંગે પોલીસ દ્વારા તપાસ કરાઈ રહી છે. પીએસઆઇ એ.કે.દેસાઇએ જણાવ્યું હતુ કે, ઘટના બાદ ડોકટર દશરથભાઇ પટેલનું નિવેદન લીધુ હતુ. તેમણે પોલીસ સમક્ષ એવું જણાવ્યું હતુ કે, સારવાર માટે બાળકીને લાવવામાં આવી ત્યારે બાળકીના પેટમાં દુ:ખતું હતુ. તેમજ માથા ઉપર ભાર લાગતો હોવાનું કહેવામાં આવ્યું હતુ. શરીર ઉપર ઇજા થઇ હોવાનું કે લોહી નીકળતું ન હતુ. આથી તબીબે બાળકીને પાલનપુરમાં બાળકોના સ્પેશ્યાલિસ્ટ ને બતાવવાનું કહેતા પરિવારજનો તેણીને પાલનપુર ડો.રમેશ પટેલને ત્યાં લઇ આવ્યા હતા.

બાળકીના પિતા ધુળસિંગે સોમવારે બાળકીના લોહીવાળું ફ્રોક મિડિયા સમક્ષ રજુ કર્યુ હતુ. તેમણે જણાવ્યું હતુ કે, ગોળી વાગી ત્યારે લોહી નીકળ્યું હતુ. સરપંચ રણજીતસિંહ વાઘેલાએ કહ્યું કે દાંતીવાડા ફાયર રેંજમાંથી ફાયરિંગ દરમિયાન બુલેટ ખેતરમાં આવતી હોવાની સ્થાનિક રહિશોની રજૂઆતો મળી હતી. જેથી બે વર્ષ અગાઉ ગ્રામ પંચાયતમાં ઠરાવ કરી ગોળીઓ રહેણાંક વિસ્તારમાં ન આવે તેવી તકેદારી રાખવા બીએસએફ કેમ્પમાં લેખિત પણ આપવામાં આવ્યું હતુ.

અન્ય સમાચારો પણ છે...