વિવાદ:ભાભરમાં ભાજપના સભ્યો જ દારૂ - જુગારના અડ્ડા ચલાવે છે, ગેનીબેન

ભાભર નગરપાલિકાની ચૂંટણીના ફોર્મ ભરાવવાની પ્રક્રિયા સોમવારથી ચાલુ થઇ છે. ત્યારે આ વિસ્તારના ધારાસભ્યએ ભાભરમાં ભાજપના સભ્યો જ દારૂ - જુગારના અડ્ડા ચલાવતાં હોવાનો આક્ષેપ કરતાં ભારે ગરમાવો પ્રસર્યો છે. ભાભર પાલિકાની ચૂંટણીમાં સોમવારે ફોર્મ ભરવાની પ્રક્રિયાનો પ્રારંભ થયો હતો. જ્યાં વાવના ધારાસભ્ય ગેનીબેન ઠાકોરે આક્ષેપો કરતાં જણાવ્યું હતુ કે, ભાજપના ચૂંટાયેલા વર્તમાન સભ્યો જ દારૂ જુગારના અડ્ડા, કલબો અને કોન્ટ્રાકટ ચલાવે છે. જો કોટવાલ જ ચોરી કરે ત્યારે જનતાનું શુ થાય ? ભાભર પાલિકામાં પાંચ વર્ષના શાસનમાં ભાજપ સમસ્યાઓ હલ કરવામાં નિષ્ફળ રહી છે.