ઝાડ પર ઠંડી પથરાઈ:હિલ સ્ટેશન માઉન્ટ આબુમાં તાપમાન માઇનસ 4 ડીગ્રીએ પહોંચ્યું, સર્વત્ર બરફની ચાદર પથરાઈ; ગુજરાત પણ ટાઢથી ઠૂંઠવાયું

રાજસ્થાનના હિલ સ્ટેશન માઉન્ટ આબુમાં સોમવારે એક જ રાત્રિમાં લઘુતમ તાપમાનનો પારો 2 ડીગ્રી ગગડી મંગળવારે માઇનસ 4 ડીગ્રીએ પહોંચ્યો હતો. સર્વત્ર બરફની ચાદર છવાઇ જવા પામી હતી. હાડ થિજાવતી ઠંડીના પગલે પર્યટકો ઠૂંઠવાયા હતા. રાજસ્થાનના હિલ સ્ટેશન માઉન્ટ આબુમાં સોમવારે રાત્રે માઇનસ 4 ડિગ્રી તાપમાન નોંધાતા શીત લહેર પ્રસરી જવા પામી છે.

નલિયામાં 2.7 ડીગ્રી અને કેશોદમાં 6.2 ડીગ્રી ઠંડી...
રાજ્યમાં ઠંડીનો પારો સતત ગગડી રહ્યો છે. નલિયામાં મંગળવારે 2.7 ડીગ્રી ઠંડી નોંધાઈ હતી. જ્યારે કેશોદમાં 6.2 ડીગ્રી ઠંડી હતી. અમદાવાદમાં તાપમાન 10 ડીગ્રી રહેવા પામ્યું હતું. હજુ બે દિવસ ઠંડી રાજ્યમાં રહેશે.