• Gujarati News
  • Local
  • Gujarat
  • Why Only Saurashtra Ministers In Agriculture Department? What Is The Logic Of BJP? Three MLAs From Amreli Diocese Have Become Agriculture Ministers

એગ્રિકલ્ચરમાં 'સૌરાષ્ટ્ર કલ્ચર':કૃષિ વિભાગમાં સૌરાષ્ટ્રના જ મંત્રીઓ શા માટે? શું છે ભાજપનું લૉજિક? અમરેલી પંથકના ત્રણ ધારાસભ્ય કૃષિમંત્રી બની ચૂક્યા છે

અમદાવાદ2 મહિનો પહેલા
  • કૉપી લિંક
  • રાઘવજીભાઈ પટેલ અગાઉ પણ કૃષિમંત્રી હતા, હવે ફરી એ જ પદ પર આવ્યા
  • ભૂપેન્દ્રસિંહ ચૂડાસમા અને નીતિનભાઈ પટેલ એવા કૃષિમંત્રીઓ હતા, જે સૌરાષ્ટ્રના નહોતા

વિજયભાઈ રૂપાણીની સરકાર ગઈ અને ભૂપેન્દ્રભાઈ પટેલની સરકાર આવી. નવી સરકારમાં કૃષિમંત્રી બન્યા રાઘવજીભાઈ પટેલ. એ મૂળ જામનગરના. રાઘવજીભાઈ અગાઉ પણ કૃષિમંત્રી હતા. હવે બીજીવાર બન્યા છે. રાઘવજીભાઈ પહેલાં આર.સી.ફળદુ કૃષિમંત્રી હતા. એ પણ જામનગરના. આ અગાઉના કૃષિમંત્રીઓનું લિસ્ટ જોશો તો ખબર પડશે કે ગુજરાતના જેટલા કૃષિમંત્રીઓ રહી ચૂક્યા છે, તેમાંથી મોટા ભાગના સૌરાષ્ટ્રના હતા.

ગુજરાતની સમૃદ્ધ ખેતી.
ગુજરાતની સમૃદ્ધ ખેતી.

બે મંત્રીઓ સૌરાષ્ટ્રના નહોતા
1990ના દાયકાથી અત્યારસુધીનું સરવૈયું જોઈએ તો કેશુભાઈ પટેલથી રાઘવજીભાઈ પટેલ સુધીના 10 જેટલા કૃષિમંત્રીઓ આવ્યા, પણ તેમાંથી 8 કૃષિમંત્રી સૌરાષ્ટ્રના હતા. ધોળકાના ભૂપેન્દ્રસિંહ ચૂડાસમા અને કડીના નીતિનભાઈ પટેલ, આ બે મંત્રીઓ સિવાયના મંત્રીઓ સૌરાષ્ટ્રના હતા.

સૌરાષ્ટ્રના ક્યા મંત્રીઓ કૃષિમંત્રી બન્યા?
સૌરાષ્ટ્રમાંથી જે કૃષિમંત્રીઓ બન્યા તેમાં કેશુભાઈ પટેલ - રાજકોટ, દિલીપભાઈ સંઘાણી - અમરેલી, પુરુષોત્તમભાઈ રૂપાલા - અમરેલી, બાબુભાઈ બોખીરિયા - પોરબંદર, ચીમનભાઈ સાપરિયા - જામજોધપુર, વી.વી.વઘાસિયા - સાવરકુંડલા, આર.સી.ફળદુ - જામનગર અને રાઘવજીભાઈ પટેલ - જામનગરનો સમાવેશ થાય છે. આમાંથી રાઘવજીભાઈ પટેલ બે વાર કૃષિમંત્રી બન્યા અને તેઓ જામનગરથી આવે છે. એવી રીતે જામનગરના આર.સી.ફળદુ પણ જામનગરથી આવે છે, એટલે કૃષિમંત્રીનું પદ જામનગરના ભાગે ત્રણવાર આવ્યું. અમરેલી પંથકમાંથી પણ ત્રણ કૃષિમંત્રી મળ્યા છે, જેમાં અમરેલીના દિલીપભાઈ સંઘાણી અને પુરુષોત્તમભાઈ રૂપાલા તેમજ સાવરકુંડલાના વી.વી.વઘાસિયાનો સમાવેશ થાય છે.

સૌરાષ્ટ્રમાં કપાસ, મગફળી સહિતના પાકો સારા પ્રમાણમાં થાય છે.
સૌરાષ્ટ્રમાં કપાસ, મગફળી સહિતના પાકો સારા પ્રમાણમાં થાય છે.

કૃષિમંત્રી સૌરાષ્ટ્રના જ શા માટે?
ગુજરાત ચાર ભાગમાં વહેંચાયેલું છે. સૌરાષ્ટ્ર, દક્ષિણ ગુજરાત, મધ્ય ગુજરાત અને ઉત્તર ગુજરાત, જેમાં એક સમયે સૌરાષ્ટ્ર કૃષિ આધારિત પ્રદેશ ગણાતો અને આજે પણ સૌરાષ્ટ્ર ખેતી આધારિત પ્રદેશ જ માનવામાં આવે છે. ગુજરાતના બાકીના ભાગો ઉદ્યોગ આધારિત વિસ્તારો છે. સૌરાષ્ટ્રમાં આજે પણ કપાસ અને મગફળીનું મબલખ ઉત્પાદન થાય છે. લાખો હેક્ટરમાં કપાસ અને મગફળી થાય છે. 30થી 40 હજાર કરોડનું ટર્નઓવર છે. આ જોતાં જો સૌરાષ્ટ્રની કૃષિને જાણતા હોય, ધરતીપુત્ર હોય તેવા ધારાસભ્યોને કૃષિમંત્રી બનાવવામાં આવ્યા. સૌરાષ્ટ્રનું કૃષિ આધારિત અર્થતંત્ર સારી રીતે ચાલી શકે એ માટે આ પ્રકારના નિર્ણય લેવામાં આવતા હોવા જોઈએ, એવું અનુમાન આ ક્ષેત્રના નિષ્ણાતો કરી રહ્યા છે.

અન્ય સમાચારો પણ છે...