DB REELS, જીવ બચાવવા જબરો જુગાડ:સેંકડો લોકોએ ફસાયેલાં કબૂતરને જોયું પણ કોઈની હિંમત ન ચાલી, પોલીસકર્મીને એવો ઉપાય સુઝ્યો કે સેલ્યુટ કરવાનું મન થાય

ઉત્તરાયણના પર્વ પર આપણે મોજથી પતંગ ઉડાડીએ છીએ, પણ પક્ષીઓ માટે આ તહેવાર ઘણીવાર જીવલેણ બની જતો હોય છે. રાજસ્થાનના જયપુરમાં પણ આવી જ એક ઘટના બની. એક કબૂતર વીજળીના તાર પર પતંગની દોરીના કારણે ફસાઈ ગયું. ઘણા લોકો આવતા-જતા આ કબૂતરને જોતા પરંતુ તેને બચાવવા માટે એટલી ઊંચાઈ સુધી પહોંચવું આસાન ન હતું. ત્યારે આ સર્કલ પર ડ્યુટી પર તૈનાત પ્રેમ સિંહ નામના એક પોલીસકર્મીને જબરો ઉપાય સુઝ્યો. તેમણે એક મિનિ બસને ટ્રાફિક વચ્ચે જ રોકાવી દીધી અને પછી બસ પર ચડીને કબૂતરને બચાવી લીધો. કબૂતરને કોઈ ગંભીર ઈજા નથી થઈને, એ ચકાસણી કર્યા બાદ સલામત રીતે તેને ઉડાડી દીધો. આ આખો ઘટનાક્રમ કોઈકે મોબાઈલમાં શૂટ કર્યો અને વીડિયો સોશિયલ મીડિયા પર અપલોડ કરી દીધો. તો ઘણા લોકોએ પોલીસકર્મી પ્રેમ સિંહના વખાણ કર્યા. આજની DB REELSમાં જુઓ, પોલીસકર્મીએ દાખવેલી માનવતાનો વીડિયો.