ગુજરાતનું સૌથી હાઈટેક ICU, વીડિયો:એક સાથે હાર્ટ, લીવર, લંગ્સ, કિડની અને બોનમેરો ટ્રાન્સપ્લાન્ટના પેશન્ટની કેર શક્ય, હાર્ટનું બીટ ટુ બીટ મોનિટરિંગ થશે, શનિવારે CMના હસ્તે ઉદઘાટન

અમદાવાદ સ્થિત મરેંગો CIMS હૉસ્પિટલ મેડિકલ ક્ષેત્રે બહુ મોટી સફળતા મેળવવા જઈ રહી છે. આ હૉસ્પિટલ ગુજરાતના સૌથી હાઈટેક ટ્રાન્સપ્લાન્ટ ICUથી સજ્જ થઈ ગઈ છે. અહીં હાર્ટ, લીવર, લંગ્સ, કિડની અને બોનમેરો એમ પાંચેય ટ્રાન્સપ્લાન્ટના પેશન્ટની એક સાથે કેર થશે. સૌથી મહત્ત્વની વાત એ છે કે, આ હાઇટેક ICUના તમામ 14 બેડના સેપરેટ AHU છે. જેનાથી પેશન્ટમાં ક્રોસ ઈન્ફેક્શનના ચાન્સ સાવ નહિવત રહેશે. આ ICUમાં હાર્ટનું બીટ ટુ બીટ મોનિટરિંગ થશે. તા. 7 જાન્યુઆરી અને શનિવારે મુખ્યમંત્રી ભૂપેન્દ્ર પટેલ આ કોમ્પ્રીહેન્સિવ ટ્રાન્સપ્લાન્ટ યૂનિટનું ઉદઘાટન કરશે. આ સાથે જ પાંચ ટ્રાન્સપ્લાન્ટ એક સાથે થતાં હોય તેવી આ પહેલી હૉસ્પિટલ બની જશે.