દિવાળીના ઉન્માદમાં કોરોના ભૂલાયો:વાંસદા હાટબજારમાં ખરીદીની ભીડ વેપારીઓ માટે ઓક્સિજન સમાન પણ બેદરકારી ઓક્સિજન છીનવી લે છે તે ભૂલતાં નહીં

વાંસદા તાલુકો 95 ટકા આદિવાસી વિસ્તાર ધરાવતો તાલુકો છે. કોરોનાને કારણે લોકોની રોજગારી છીનવાઇ હતી. જેથી છેલ્લા બે માસથી સમગ્ર તાલુકામાં ભરાતા હાટ બજારોમાં ધંધા-રોજગારમાં મંદીનો માહોલ છવાયો હતો, પરંતુ છેલ્લે છેલ્લે દિવાળીની ખરીદી નીકળતા વાંસદાની હાટ બજારમાં નજર નાંખો ત્યાં સુધી ભીડ જોવા મળતી હતી. આ ભીડમાં 50 ટકાથી વધુ લોકોએ માસ્ક પહેરેલા નથી. ત્યારે વાંસદા હાટબજારમાં ખરીદીની ભીડ વેપારીઓ માટે ઓક્સિજન સમાન ભલે હોય પણ બેદરકારી ઓક્સિજન છીનવી લે છે તે ભૂલતાં નહીં ! દિવાળીના ઉન્માદમાં કોરોના ભૂલાય ગયો તે ગંભીર સાબિત થઇ શકે છે. તસવીરમાં દેખાય છે તેવા દૃશ્યો લગભગ તમામ બજારોમાં જોવા મળે છે.