દુર્ઘટના:મીંઢાબારી પાસે વાહન અડફેટે દીપડાનું મોત, અજાણ્યા વાહનચાલકની તલાશ

વાંસદા પશ્ચિમ રેન્જના ધરમપુર રોડ ઉપર આવેલ મીંઢાબારી ગામ પાસે નેશનલ હાઇવે ઉપર અજાણ્યા વાહનની અડફેટે આવતા દીપડાનું મોત નિપજ્યું છે.વાંસદા પશ્ચિમ રેન્જના કાર્યવિસ્તાર માં આવતા વાંસદા ધરમપુર રોડ ઉપર મીંઢાબારી ગામ પાસે વહેલી સવારે 5.00 કલાકે અજાણ્યા વાહનની અડફેટે આવતા ઘટના સ્થળે મોત નીપજ્યું હતું.

જેનું પશુ ચિકિત્સક પાસેથી પી.એમ.કરાવી અંતિમ સંસ્કાર કરવામાં આવ્યો હતો. વાંસદા પશ્ચિમ વન વિભાગ વિસ્તારના જામલિયા બીટમાં આવેલા મીંઢાબારી ગામ પાસે વહેલી સવારે અંદાજિત 5.00 કલાકે એક વન્ય પ્રાણી નર દીપડો અંદાજિત 9 થી 10 વર્ષનો શિકારની શોધ માં રોડ ઉપરથી પ્રસાર થઈ રહ્યો હતો, તે દરમિયાન અજાણ્યા વાહન ચાલકના અડફેટમાં આવતા ઘટનાસ્થળે મોત નીપજ્યું હતું.

જેની ખબર આજુબાજુ વિસ્તારના લોકોને પડતા લોકો જોવા માટે ઉમટી પડ્યા હતા. મીંઢાબારી ગામના સરપંચ દ્વારા પશ્ચિમ રેન્જના જામલિયા રાઉન્ડ ફોરેસ્ટરને જાણ કરતા ફોરેસ્ટરે આર.એફ.ઓ. જે.ડી.રાઠોડને ટેલિફોનિક જાણ કરતા તાત્કાલિક રાઠોડે સ્ટાફ સાથે ઘટના સ્થળે પહોંચી મૃત દીપડાને લઈ વાંસદા પશુ ચિકિત્સક યશ પટેલ પાસે ચકાસણી બાદ પી.એમ. કરાવી મીંઢાબારી વનવિભાગ કેમ્પમાં ઉપલા અધિકારી નાયબ વન સંરક્ષક વલસાડ ઉત્તર તથા મદદનીશ વન સંરક્ષક.વાંસદાના માર્ગદર્શન હેઠળ પશ્ચિમ રેન્જના રેંજ ફોરેસ્ટ ઓફિસર જે.ડી.રાઠોડ અંતિમ સંસ્કાર કરી આગળની કાર્યવાહી હાથ ધરી છે.