• Gujarati News
  • Local
  • Gujarat
  • Navsari
  • Why Did The Police Allow The Diary Of The Girl To Be Read By Two People Of The Organization, Why Did They Ask Them To Read The Last Two three Pages Carefully? Question Raised By The Victim's Mother

વડોદરા ગેંગરેપ-આપઘાત કેસ:માતાના શબ્દોમાં દીકરીની વેદના; દુષ્કર્મ બાદ યુવતીને ઘરે આવવું હતું પણ તેની પાસે 10 રૂપિયા જ હતા, આખી રાત ઓશિકું પકડીને રડતી રહી

નવસારી15 દિવસ પહેલા
  • પોલીસ આવી ત્યારે સંસ્થાના પલ્લવીબેન અને મેહુલભાઈ જવા માટે ઉતવાળ કરતા હતા
  • ડાયરીમાં શું લખ્યું છે તેવું પૂછતા પલ્લવીબેન બધુ નોર્મલ છે તેમ જ કહેતા રહ્યાં: પીડિતાની માતા

એની એ રાત કેવી રીતે વીતી હશે, જ્યારે દુષ્કર્મ બાદ તેને ઘરે જવું હતુ પણ તેની પાસે માત્ર 10 રૂપિયા જ હતા. એને કોઇના ખભે માથુ મૂકીને ખૂબ રડવું હતું પણ તેને સાંભળનાર કોઇ ન હતું. એ એકલીને એકલી કેટલી ગુંચવાઇ હશે? માત્ર વિચારીને આપણી સૌની આંખો ભીની થઇ જાય છે. ત્યારે આ ઘટના જેની સાથે ઘટી તેની શું સ્થિતિ હશે? દિવાળીના દિવસે વલસાડ રેલવે સ્ટેશન પર ટ્રેનમાંથી નવસારીની યુવતીની લાશ મળી આવ્યા બાદ તપાસમાં યુવતી પર વડોદરામાં સામુહિક દુષ્કર્મ થયાનો ખુલાસો થયા પછી આ મામલે એક પછી એક ઘટસ્ફોટ થઇ રહ્યાં છે. ત્યારે યુવતીની માતાએ ભારે હૈયે પોતાની દીકરીની કેટલીક વાતો દિવ્ય ભાસ્કર સાથે કરી હતી. આ સાથેજ માતાએ પોલીસે ડાયરી સંસ્થાના બે લોકોને શાં માટે વંચાવી અને ખાસ છેલ્લા બે પન્ના વાંચવાનું શા માટે કહ્યું તેવો પ્રશ્ન ઉઠાવ્યો છે.

પીડિતાએ સંસ્થાને કહ્યું હતું, મારે આ શહેરમાં નથી રહેવું
યુવતીની માતાએ ભારે હૈયે જણાવ્યું હતું કે, ડાયરીમાં મારી દીકરીએ લખ્યું હતું કે, 'મે સંસ્થાને વાત કરી કે મારી પાસે અત્યારે 10 રૂપિયા જ છે, મારે આ શહેરમાં નથી રહેવું. હું એકલતાં અનુભવું છું, મને એવું લાગે છે કે આ દુનિયામાં હુ એકલી જ છું મારૂ કોઇ નથી. આખી રાત હું એકલા વિચાર કરતાં કરતાં પીલોને પકડીને રડતી, વારંવાર મોઢુ ધોતી રહી..' યુવતીની માતાએ જણાવ્યું કે, મારી દીકરીએ સંસ્થાવાળાને દરખાસ્ત કરી તો પણ સંસ્થાવાળાએ કેમ મારી દીકરીને સાથ ન આપ્યો? આ સવાલ પીડિતાની માતાને કોરી ખાય છે.

પીડિતાની માતા
પીડિતાની માતા

મારી દીકરી આત્મહત્યા કરી જ ન શકે
વધુમાં યુવતીની માતાએ જણાવ્યું હતું કે, ડાયરી અને મેસેજ પરથી મને એમ લાગે છે કે, મારી દીકરીએ આત્મહત્યા નથી કરી. એનો કોઇ પીછો કરતું હતુ અને એણે જ મારી દીકરીને આત્મહત્યા કરવા મજબૂર કરી છે એવી મને શંકા છે. હજુ પણ અમારા સુધી એફએસએલ રિપોર્ટ નથી પહોંચ્યા એટલે અમને શંકા જાય છે કે તેને જબરદસ્તી મરવા માટે મજબૂર કરી છે. મારી દીકરી આત્મહત્યા કરી જ ન શકે.

પોલીસે સંસ્થાવાળાને ડાયરી વાંચવા આપી
પીડિતાની માતાએ જણાવ્યું કે, પાંચ નવેમ્બરે OASIS સંસ્થાના પલ્લવીબેન અને મેહુલભાઇ સાથે ઘણા લોકો આવ્યા હતા. જ્યારે પોલીસ તપાસ કરવા માટે અહીંયા આવી એની જાણ તેમને થઇ તો તે લોકો જવા માટે ઉતાવળ કરતા હતા. તો મે એમને કહ્યું કે તમે પોલીસને મળીને જાઓ. તો સંસ્થાના લોકોએ મને કહ્યું કે અમે પોલીસના સતત સંપર્કમાં છીએ અમે તેમને નીચે મળી લઈશુ. જ્યારે પોલીસ ઉપર આવી તો મે એમને કહ્યું કે, સંસ્થાવાળા લોકો સાથે મુલાકાત થઇ? તો પોલીસે ના પાડી અને તેમને બોલાવવા કહ્યું. ત્યાબાદ તેમને બોલાવીને પોલીસે તેમને ડાયરી વાંચવા આપી.

પોલીસને લઇને નીચે જતા રહ્યાં
સંસ્થાના પલ્લવીબેન ડાયરી વાંચતાં હતા, ત્યારે હું પુછતી કે શુ લખેલુ છે? તો એ લોકો એમ કહેતા કે બધુ નોર્મલી છે. યુવતીએ જે લખ્યું છે તે તેના મનની ઉપજ છે. જ્યારે છેલ્લા બે ત્રણ પાના ધ્યાન દઇને વાંચવા પોલીસે કહેતાં તેમણે વાંચ્યું. તો મે પુછ્યું કે પલ્લવીબેન આમાં શુ લખેલું છે? તો ફરી બધુ નોર્મલી છે. તેમ કહીને પોલીસને લઇને નીચે જતાં રહ્યાં. ત્યાં જઇને શુ વાત કરી તેની મને કંઇજ જાણ નથી. મને એવુ લાગતું હતું કે સંસ્થાના લોકો પોલીસને મળવા નહોતા માંગતાં.

યુવતીએ જીવ બચાવવા કરેલા છેલ્લા મેસેજની અક્ષરસઃ વિગતો
રાત્રે 11.31 વાગ્યે કરેલા વ્હોટ્સએપ મેસેજમાં યુવતીએ લખ્યું છે કે “Sorry Sanjivbhai, Pl save me. out for MHE work, he follow me from NVS. Want to kill anyhow. I cant call in train… get phone somehow... parents dont know anything. I Kidnapped. I am in washroom now Gonna kill Pl call waiting..” (સોરી સંજીવભાઈ, પ્લીઝ મને બચાવી લો. હું કામ માટે મહારાષ્ટ્ર જતી હતી, તેઓ મારો નવસારીથી પીછો કરી રહ્યા છે. તેમનો ઈરાદો ગમે તે રીતે મને જાનથી મારી નાખવાનો છે. હું ટ્રેનમાં છું એટલે કોલ નથી કરી શકતી.. જેમ-તેમ કરીને મારો ફોન મેળવ્યો છે... મારાં માતા-પિતા તો કશું જાણતાં જ નથી. મારું અપહરણ થયું છે. હું અત્યારે વોશરૂમમમાં છું અને તે લોકો મને મારી નાખશે. પ્લીઝ કોલ કરશો... રાહ જોઉં છું..)

અન્ય સમાચારો પણ છે...