કોલ્ડ વેવ:6 કિમીની ઝડપે પવન ફૂંકાયો, તાપમાન 11.8 ડિગ્રી

નવસારીમાં ઠંડા પવન યથાવત રહ્યા હતા અને બુધવારે પણ પ્રતિ કલાકે 6 કિમીની ઝડપે પવનો ફૂંકાયા હતા. જયારે મહત્તમ તાપમાનમાં કોઈ વધારો નોંધાયો ન હતો. નવસારી કૃષિ યુનિવર્સિટીના મોસમ વિભાગમાંથી મળતી માહિતી મુજબ બુધવારે મહત્તમ તાપમાન 28 ડિગ્રી અને લઘુતમ તાપમાન 11.5 ડિગ્રી નોંધાયું હતું. જયારે વાતાવરણમાં સવારે ભેજનું પ્રમાણ 84 ટકા રહ્યું હતું અને તેમાં બપોરે ઘટાડો થતા 41 ટકા થયું હતું. છેલ્લા ત્રણ દિવસમાં અનુક્રમે સોમવારે મોસમનો ઠંડો દિવસ 8.2 ડિગ્રી, મંગળવારે 10.8 ડિગ્રી અને બુધવારે લઘુત્તમ તાપમાન 11.8 ડિગ્રી નોંધાઈ હતી. છેલ્લા ત્રણ દિવસથી પવનની ગતિ 6 કિમીની ઝડપ રહી હતી.