PM મોદીનો ગુજરાત પ્રવાસ:પ્રધાનમંત્રી શુક્રવારે સવારે સવા દસ વાગ્યે ખુડવેલ પહોંચશે, રૂ. 3 હજાર કરોડથી વધુના વિકાસ કાર્યોની લહાણી કરશે

નવસારી19 દિવસ પહેલા
  • રાજ્યના 5 જિલ્લાના આશરે 4.5 લાખ લોકોની જનમેદની ઉમટવાની સંભાવના
  • PMના કાર્યક્રમને લઈને નવસારી કલેક્ટર કચેરી ખાતે પત્રકાર પરિષદ સંબોધવામાં આવી
  • રૂ. 2151 કરોડની યોજનાઓનું ખાતમુહૂર્ત, રૂ. 901 કરોડની યોજનાઓનું લોકાર્પણ કરાશે

નવસારી જિલ્લાના ચીખલી તાલુકામાં આવેલા ખુડવેલ ગામે આયોજિત વડાપ્રધાન નરેન્દ્ર મોદીના કાર્યક્રમને લઇને વહીવટી તંત્રે તમામ તૈયારીઓને આખરી ઓપ આપી દીધો છે. વડાપ્રધાનના કાર્યક્રમને લઈને આજે બુધવારે કલેક્ટર કચેરી ખાતે એક પત્રકાર પરિષદ સંબોધવામાં આવી હતી. જેમાં કાર્યક્રમને લઇને તમામ વિગતો કલેક્ટર દ્વારા આપવામાં આવી છે.

પીએમના કાર્યક્રમને લઇને કલેક્ટર કચેરી ખાતે પત્રકાર પરિષદ સંબોધવામાં આવી
પીએમના કાર્યક્રમને લઇને કલેક્ટર કચેરી ખાતે પત્રકાર પરિષદ સંબોધવામાં આવી

PMનું આગમન
10મી જૂનના રોજ સવારે સવા દસ કલાકે પ્રધાનમંત્રી નરેન્દ્ર મોદી ખુડવેલ સભાસ્થળે પહોંચશે. ત્યારબાદ સાડા દસ વાગ્યે લાભાર્થીઓ સાથે વાતચીત ત્યારબાદ નિરાલી હોસ્પિટલ તરફ જવા રવાના થશે, જ્યાં ખાનગી કાર્યક્રમ રાખવામાં આવ્યો છે.

પીએમ કુલ રૂ. 3054 કરોડના વિકાસ કાર્યોનું લોકાર્પણ-ખાતમુહૂર્ત કરશે
પીએમ કુલ રૂ. 3054 કરોડના વિકાસ કાર્યોનું લોકાર્પણ-ખાતમુહૂર્ત કરશે

કેટલી યોજનાઓનું ખાતમુહુર્ત અને લોકાર્પણ?
કાર્યક્રમમાં રૂપિયા 2151 કરોડની કુલ યોજનાઓનું ખાતમુહુર્ત થશે. જેમાં રૂ. 1510 કરોડની પાણીની યોજના, માર્ગ મકાન વિભાગની રૂ. 98 કરોડની યોજના, આરોગ્ય વિભાગની રૂ. 542 કરોડની યોજનાના કામોનું ખાતમુહૂર્ત થશે. લોકાર્પણની વાત કરવામાં આવે તો રૂપિયા 901 કરોડના કુલ લોકાર્પણ થશે. જેમાં રૂપિયા 749 કરોડની પાણીની યોજના, રૂ. 85 કરોડના ઊર્જા, રૂપિયા 46 કરોડના માર્ગ મકાન અને રૂપિયા 20 કરોડના શહેરી વિકાસના કામો લોકાર્પિત થશે.

7 રશિયન કેટેગરીના ફાયર અને વોટરપ્રૂફ ડોમ બનાવાયા
7 રશિયન કેટેગરીના ફાયર અને વોટરપ્રૂફ ડોમ બનાવાયા

ડોમની વ્યવસ્થા
7 રશિયન કેટેગરીના ડોમ બનાવવામાં આવ્યા છે, જે ફાયર અને વોટરપ્રૂફ બનાવાયા છે. ડોમના એક છેડાથી બીજા છેડા સુધી જવા માટે આશરે 1 કિલોમીટરનું અંતર કાપવું પડશે. 5 જિલ્લાઓમાંથી આવનારા લોકો માટે પાર્કિગની વ્યવસ્થા પણ ગોઠવવામાં આવી છે. જેમાં ડોમથી પાર્કિંગ આશરે દોઢ કિલોમીટર સુધીનું રહેશે. આ ડોમમાં આરોગ્યલક્ષી સેવા પણ રહેશે. જેમાં 7 ડીસ્પેન્સરી રાખવામાં આવશે. કાર્યક્રમ સ્થળના ડોમથી 500થી 700 મીટર સુધીના કેટલાક વિસ્તારને પ્રતિબંધિત જાહેર કરવામાં આવ્યા છે.

પીએમના આગમનને પગલે સઘન પોલીસ બંદોબસ્ત ગોઠવાયો
પીએમના આગમનને પગલે સઘન પોલીસ બંદોબસ્ત ગોઠવાયો

સઘન પોલીસ બંદોબસ્ત
આ કાર્યક્રમની સુરક્ષા માટે 16 IPS, 1 IFS, 132 DYSP, 32 PI, 191 PSI, 1718 ASI, 10 નાયબ કલેક્ટર, 962 વુમન પોલીસ, 4 ડ્રોન કેમેરા, ASI HC અને PC મળીને કુલ 1718 લોકોનો સ્ટાફ બંદોબસ્તમાં રોકાશે. પાર તાપી નર્મદા પ્રોજેક્ટને લઇને જો કોઈ વિરોધ પ્રદર્શન થાય તો તેના માટે પણ પોલીસે પોતાની ઇન્ટેલિજન્સ ટીમ તૈયાર રાખી છે.

અન્ય સમાચારો પણ છે...