વાતાવરણ:નવસારીમાં લઘુત્તમ તાપમાન 2.6 ડિગ્રી વધી 10.8 થયું

નવસારી જિલ્લામાં 28 ડિસેમ્બરના રોજ મોસમનો ઠંડો દિવસ 8.2 ડિગ્રી નોધાયો હતો. જેમાં આજે મંગળવારે 2.6 ડિગ્રી વધી લઘુતમ તાપમાન 10.8 ડિગ્રી નોધાયું હતું પણ પવનોનું જોર વધ્યું જેને લીધે ઠંડીનો ચમકારો જોવા મળ્યો હતો.

નવસારી કૃષિ યુનિવર્સિટી ખાતેથી મળતી માહિતી મુજબ 29 ડિસેમ્બરના રોજ લઘુતમ તાપમાન 10.8 અને મહતમ તાપમાન 28 ડિગ્રી નોંધાયું હતું. જ્યારે વાતાવરણમાં ભેજનું પ્રમાણ સવારે 70 ટકા અને બપોરે 50 ટકા નોંધાયું હતું. જ્યારે સવારથી જ પવન પ્રતિ કલાકે 6.6 કિમીની ઝડપે ફૂંકાયો હતો. ઠંડા પવનોને કારણે રક્ષણ મેળવવા માટે તાપણાંનો સહારો લેવા નજરે ચડ્યા હતા.