કાર્યવાહી:નવસારીમાં દારૂ પીને વાહન હંકારનારા 13 ચાલકની અટક

નવસારી જિલ્લામાં દારૂ પીને વાહન હંકારનારા લોકો પર પોલીસે કડક કાર્યવાહી કરતા એક દિવસમાં 13 વાહનચાલકની અટક કરી હતી. નવસારીમાં વર્ષનાં અંતિમ દિવસને ઉજવવા લોકો નશો કરતા હોય છે તેવા લોકો નશામાં વાહન હંકારતા અકસ્માત કરતા હોય છે. છેલ્લા બે દિવસમાં પોલીસ આવા તત્વો ઉપર લાલ આંખ કરી છે. નવસારી જિલ્લામાં દારૂ પીને વાહન હંકારતા 13 ચાલકની અટક કરી હતી. નવસારી ગ્રામ્ય પોલીસ વિસ્તારમાં બોરીયાચ ટોલનાકા પાસે 8, નવસારીમાં 2, જલાલપોર વિસ્તારમાં 2, બીલીમોરામાં 1 મળી કુલ 13 ચાલકની નશો કરી વાહન હંકારવા બદલ અટક કરી હતી.