લોકો ઠંડીમાં ઠુંઠવાયા:નવસારી જિલ્લામાં આજે સિઝનનો સૌથી ઠંડો દિવસ, લઘુત્તમ તાપમાન 8 ડીગ્રી નોંધાયું

નવસારી જિલ્લામાં ડિસેમ્બર મહિનાના અંતિમ અઠવાડિયામાં ઠંડીનો ચમકારો જોવા મળ્યો હતો. ત્યારબાદ પ્રથમ વખત તાપમાન આજે મકરસક્રાંતિએ 8 ડિગ્રી નોંધાયું હતું. જેથી લોકો ઠંડીમાં ઠુઠવાયા હતા. તેમજ પવનની ગતિ પણ 3.6 કિલોમીટર પ્રતિ કલાકની ઝડપે રહેતા લોકોને ઠંડીનો અહેસાસ થયો હતો. સિઝનમાં પ્રથમ વખત ઠંડી સામે રક્ષણ આપતા ગરમ કપડાં પહેરતા લોકો જોવા મળ્યા હતા.

નવસારીમાં અત્યાર સુધી મિશ્ર વાતાવરણનો લોકોએ અહેસાસ કર્યો હતો અને દિવસ દરમિયાન કાળઝાળ ગરમીનો સામનો કરવો પડતો હતો, ત્યારે સિઝનમાં લાબા સમય બાદ લોકોને ઠંડીનો ચમકારો જોવા મળ્યો છે. વાતાવરણમાં આવેલા બદલાવને કારણે અત્યાર સુધી લોકોએ સામાન્ય ઠંડીનો અહેસાસ કર્યો હતો પરંતુ છેલ્લા બે દિવસથી શિયાળો ઓપચારિક રીતે જામતા આજે લઘુત્તમ તાપમાન 8 ડિગ્રી નોંધાયું છે. પવનની ગતિ 3.6 km પ્રતિ કલાકે નોંધાઇ છે.વહેલી સવારથી ઠંડો પવન વહેતો હોવાને કારણે લોકોએ આખો દિવસ ગરમ કપડાં પહેરવાની ફરજ પડી હતી. છેલ્લા અનેક દિવસોથી માત્ર વહેલી સવારે અને રાત્રે ઠંડી અનુભવાતી હતી અને દિવસ દરમિયાન નોર્મલ ટેમ્પરેચર રહેતું હતું. પરંતુ આજે લઘુત્તમ તાપમાન 8 ડીગ્રી નોંધાતા સિઝનનો સૌથી ઠંડો દિવસ નોંધાયો છે.