ઉમેદવાર જાહેર:નવસારી જિ. પં.માં ભાજપે તમામ 30, કોંગ્રેસે 28 ઉમેદવાર જાહેર કર્યા

નવસારી જિલ્લા પંચાયતની કુલ 30 બેઠક માટે ભાજપ અને કોંગ્રેસે બુધવારે ઉમેદવારોની જાહેરાત કરી હતી. કોંગ્રેસે ઘેજ અને સરીબુજરંગ બે બેઠક સિવાય 28 બેઠક માટે ઉમેદવાર જાહેર કર્યા છે. જ્યારે ભાજપે તમામ 30 બેઠક માટે ઉમેદવાર જાહેર કરી દીધા છે. જિલ્લા પંચાયતની ગત ટર્મમાં કુલ 30 બેઠકોમાં ભાજપની 17 બેઠકો અને કોંગ્રેસની 13 બેઠકો હતી.

બુધવારે જાહેર કરેલ ઉમેદવારોની યાદી જોતાં ભાજપે માત્ર એક જ બેઠક રૂમલા ઉપર પોતાના ઉમેદવાર નગીનભાઇ ગાવિતને રિપિટ કર્યા છે. સામે પક્ષે કોંગ્રેસે 3 બેઠક ઉપર ઉમેદવાર રિપિટ કર્યા છે. જેમાં આછવણીમાં ગુણવંતીબેન પટેલ, વાંગણમાં બારૂકભાઇ ચવધરી અને ખૂંધમાં મંજુલાબેન પટેલને રિપિટ કર્યા છે. અત્રે ઉલ્લેખનીય છે કે, જિલ્લા પંચાયતની બેઠકોનું અનામતનું રોટેશન બદલાતાં મહત્તમ ઉમેદવારોના ચેહરા બદલાયા છે.

ભાજપના ઉમેદવારની વય ઓછામાં ઓછી 23 અને વધુમાં વધુ 59 વર્ષ
ભાજપ દ્વારા બુધવારે જાહેર કરાયેલી જિલ્લા અને તાલુકા પંચાયતના ઉમેદવારોની યાદીમાં ઓછામાં ઓછી વય 23 વર્ષ અને વધુમાં વધુ 59 વર્ષની વયના ઉમેદવાર છે. જેમાં 23 વર્ષની વયનો 1 ઉમેદવાર, 26 વર્ષનો 1, 28 વર્ષના 2 ઉમેદવાર મળી જિલ્લા પંચાયતમાં 4 જ્યારે 1 ઉમેદવાર તા.પંચાયતમાં જેની વય 28 વર્ષની છે.

ભાજપે ધો.-2 પાસથી M.A. સુધીનાને અને કોંગ્રેસે ધોરણ-4 પાસથી MBA સુધીનાને ટિકિટ આપી
ભાજપ દ્વારા જાહેર કરાયેલી તાલુકા-જિલ્લા પંચાયતના ઉમેદવારોની યાદીમાં ડાભેલ તાલુકા પંચાયતની બેઠકના બચુ તળાવિયાએ ઓછામાં ઓછો અભ્યાસ ધોરણ-2 સુધી કર્યો છે. જ્યારે ધોરણ-4 સુધી અભ્યાસવાળા 3, ધોરણ-5 સુધી 4, ધોરણ-7 સુધીના 5 અને ધોરણ-8 સુધીનો અભ્યાસ 3 ઉમેદવારે કર્યો હોવાની માહિતી મળી છે.

કોંગ્રેસે જાહેર કરેલી ઉમેદવારોની યાદીમાં અભ્યાસ અર્થે ઘણો તફાવત જોવા મળ્યો છે. જિલ્લા પંચાયતની 30 બેઠક માંથી 28 ઉમેદવારોના નામ જાહેર કર્યા છે. જેમાં ધો-4 પાસ એવા પૂર્વ વિરોધપક્ષ નેતા બારૂકભાઇ ચવધરીના નામ પર ફરી મહોર લગાવવામાં આવી છે. આ સાથે જ ધોરણ 12 પાસ 6, ધોરણ 10 પાસ 4, ધોરણ 7,8 અને 9 પાસ એક-એક ઉમેદવારોને ટીકીટ અપાઇ છે, ઉપરાંત બીડીએસ, એમ.એ, બીએડ,બીએ, એમબીએ, બીએ એલએલબીનો અભ્યાસ કરેલ ઉમેદવારોને પણ ટીકીટ આપવામાં આવી છે.

ડાંગ જિલ્લા પંચાયતની 18 બેઠકમાંથી ભાજપે 15 બેઠકના ઉમેદવાર જાહેર કર્યા, આહવા-2, ડોન અને વઘઇ બાકી, ડાંગ જિલ્લા પંચાયતની બેઠકવાઇઝ ભાજપના ઉમેદવારોની યાદી

​​​​​​​નવસારી જિલ્લા પંચાયતના ભાજપ અને કોંગ્રેસના ઉમેદવારોની યાદી

​​​​​​​