ઉજવણી:લવ જેહાદના કાયદાને નવસારીમાં હિન્દુ યુવાવાહિની અને હિન્દુ મહાસભાએ વધાવી લીધો

દેશમાં ધર્મપરિવર્તન કરી વિધર્મી દ્વારા લવ જેહાદ કરવાના કિસ્સા બનતા ઘણી રાજ્ય સરકારે લવજેહાદ અટકાવતો કાયદો લાવ્યા છે. ગુજરાત સરકાર દ્વારા પણ 1લી એપ્રિલે વિધાનસભામાં કાયદો લાવી હવે લવજેહાદ કરનારાઓને આકરી સજા કરવામાં આવશે તેમ જાહેર કરતા સરકારનો આભાર માની આ નિર્ણયને નવસારીમાં હિન્દુ યુવાવાહિની અને અખિલ ભારતીય હિન્દુ મહાસભાના કાર્યકરોએ જમાલપોરમાં ફટાકડા ફોડી અને એકબીજાનું મોઢું મીઠું કરાવી વધાવી લીધો હતો.

નવસારીના ગૌરક્ષક અને હિન્દુ યુવાવાહિનીના પ્રદેશ પ્રમુખ સાજનભાઈ ભરવાડ અને કાર્યકરો સરકારના નિર્ણયને વધાવવાં જમાલપોરમાં ભેગા થયા હતા અને ફટાકડા ફોડી એકબીજાનું મોઢું મીઠું કરાવીને સરકારના નિર્ણયને વધાવી લીધો હતો. સાજનભાઈએ જણાવ્યું કે હવે ખોટી રીતે યુવતીઓને ફસાવતા વિધર્મી તત્વોને કાયદા મુજબ સખત સજા થશે. ઉપરાંત આ બાબતે હિંદુ સંગઠનોએ વારંવાર રજૂઆત કરી હતી. સખત કાયદો લાવતા અમે સરકારને અભિનંદન પાઠવીએ છીએ.

લવજેહાદ કાયદાની જોગવાઈઓ....