• Gujarati News
  • Local
  • Gujarat
  • Navsari
  • In Navsari, A Youth From Navagam Jumped Into Ambika River With His 5 Year Old Daughter For Personal Reasons, Body Was Found 24 Hours Later

દીકરી સાથે આત્મહત્યા:નવસારીમાં નવાગામના યુવાને અંગત કારણોસર 5 વર્ષીય દીકરી સાથે અંબિકા નદીમાં ઝંપલાવ્યું, 24 કલાક બાદ મૃતદેહ મળ્યા

નવસારી12 દિવસ પહેલા
  • કૉપી લિંક
  • પિતાને વ્હાલી દીકરીને એકલી મુકવી ન હતી એટલે તેણી સાથે નદીમાં ઝપલાવ્યું
  • ઘર કંકાસમાં આત્મહત્યા કર્યાની લોકચર્ચા

નવસારી તાલુકાના નવાગામ ખાતે કેયુર નરેશભાઈ પટેલે ગઈકાલે અંગત કારણોસર પોતાની પાંચ વર્ષીય દીકરી વિહાના સાથે સાલેજ ગામ પાસેથી પસાર થતી અંબિકા નદીમાં ઝંપલાવ્યું હતું. પરિવારે તેમની શોધખોળ કરતાં તેઓની બાઈક અંબિકા નદી કિનારે મળી આવી હતી. જે મામલે ગણદેવી પોલીસ સહિત ફાયર વિભાગને જાણ કરવામાં આવી હતી. યુવાન અને નાની દીકરીની શોધખોળ હાથ ધરવામાં આવી હતી. ત્યારે આજે 24 કલાક બાદ પિતા અને પુત્રની લાશ મળી આવતા પરિવાર સહિત સમગ્ર પંથક શોકનો માહોલ જોવા મળી રહ્યો છે.

આ ઘટનાની વિગત જોઈએ તો 29 વર્ષીય કેયુર નરેશભાઈ પટેલ સંયુક્ત પરિવારમાં રહેતા હતા. પિતાનું અવસાન થયા બાદ તેઓ માતા, પત્ની અને કાકા સાથેના સંયુક્ત પરિવારમાં ખેતીનો વ્યવસ્યા સાથે જીવન ગુજારો કરતા હતા. ગઈકાલે મકરસંક્રાંતિના તહેવારના દિવસે કોઈ કારણોસર તેઓ પોતાની વ્હાલી પાંચ વર્ષીય દીકરી વિહાના સાથે મોટરસાયકલ પર નીકળી સાલેજ ગામ પાસેથી પસાર થતી અંબિકા નદી પાસે આવીને સૌ પ્રથમ પર્સ અને મોબાઈલ બાઇકના ડીકીમાં મૂકી પોતાના પગરખાં બાઈકના બાજુમાં મૂકયા બાદ દીકરી વિહાના સાથે નદીમાં ઝંપલાવી જીવન ટૂંકાવ્યું હતું. જે અંગે ગઈકાલથી શરૂ થયેલી શોધખોળ બાદ 24 કલાકની ફાયર વિભાગની મથામણ બાદ આજે સવારે બન્ને પિતા પુત્રીના મૃતદેહ મળી આવ્યા હતા. પિતા પુત્રીના આત્મહત્યાના બનાવાથી જિલ્લામાં સૌ કોઈ ચોકી ઉઠ્યા હતા.

કોઈપણ વ્યક્તિને કદાચ વિપરતી પરિસ્થિતિમાં આત્મહત્યાનો વિચાર આવવો સ્વભાવિક છે. પણ જેણે હજુ સુધી આ દુનિયા સાથે સમ્પર્ક કેળવ્યો નથી અને પોતાની કાલીઘેલી ભાષામાં માત્ર મમ્મી કે પપ્પા બોલતી શીખેલી 5 વર્ષીય દીકરી સાથે પિતાને નદીમાં કૂદતી વખતે જરા પણ માસૂમ દીકરીનો ખ્યાલ આવ્યો નહિ હોય તે વાતથી સૌ કોઈ ચોકી ઉઠ્યા છે. હાલમાં શિયાળામાં નદીનું ટેમ્પરેચર ડાઉન હોવાથી ઠંડા પાણીમાં દીકરીની શુ હાલત થઈ હશે તેવા વિચાર માત્રથી પરિવારને કંપારી છૂટી હતી.

તાલુકામાં થયેલા આ હૈયું કંપાવી દેતી ઘટનામાં ગ્રામવાસીઓમાં થતી લોકચર્ચા મુજબ કેયુર અને 5 વર્ષીય પુત્રીના આત્મહત્યાનું કારણ ઘરકંકાસ હોવાનું ચર્ચાઈ રહ્યું છે. યુવાન કેયુર પટેલ પોતાની દીકરીને પ્રેમ કરતો હતો અને તેને છોડીને જવાની તેની ઈચ્છા ન હતી જેથી આત્મહત્યા કરવા માટે તેણે પુત્રીને પણ સાથે લેતા પરિવાર આઘાતમાં સરી પડયો છે.

અન્ય સમાચારો પણ છે...