ગલગોટાનો ભાવ ડબલ:નવસારીમાં ગલગોટાના ભાવ આસમાને

નવસારીમાં દિવાળીના પર્વ દરમિયાન ઘરને શણગારવા માટે આશોપાલવ અને ગલગોટાના ફૂલના તોરણ વપરાતા હોય છે. સામાન્ય રીતે ઓફ સિઝનમાં ગલગોટા ફૂલનો ભાવ 50 રૂપિયે કિલો વેચાતા હોય છે ત્યારે નવરાત્રિના પર્વ દરમિયાન ગલગોટાનો ભાવ રૂ. 100 કિલો હોય છે ત્યારે દિવાળી અને નવા વર્ષના પર્વ દરમિયાન ગલગોટાનો ભાવ ડબલ થતા છેલ્લા બે દિવસથી રૂ. 200 કિલો ભાવ બોલાયો હતો.

છતાં પણ લોકો ગલગોટાનો હાર અને છૂટા ફૂલની ખરીદી કરતા બજારોમાં જોવા મળ્યા હતા. જોકે, દિવાળીની સાંજે ગલગોટાના ફૂલના ભાવમાં ઘટાડો થશે એવું પણ વેપારીએ જણાવ્યું હતું અને આશોપાલવ તોરણના ભાવ પણ સાંજે ઘટી ગયા હોવાની માહિતી મળી છે.