ધરપકડ:એરૂ પાસે પોલીસને જોઈ ભાગેલા બાઈકચાલકને પીછો કરી પકડ્યો

જલાલપોર પોલીસ અપોકો મહેન્દ્ર નેભાભાઈ, દિગ્વિજયસિંહ જગતસિંહ અને સ્ટાફ એરૂમાં ટ્રાફિક ભંગના નિયમોના ભંગ કરનારા લોકો સામે કાર્યવાહી કરનારા સામે ઉભા હતા ત્યારે સાંજે 7.25 વાગ્યાનાં અરસામાં બુલેટ (નં. GJ-21-BQ- 0814) પર વિકી સોમા રાઠોડ (રહે. એરૂગામ, ખાડિયા ખરાબા ફળિયા, તા.જલાલપોર) પૂરઝડપે હંકારી લાવતો હતો ત્યારે પોલીસે તેને ઉભા રહેવા ઈશારો કર્યો હતો પણ તે ઉભો રહ્યો ન હતો, જેથી અપોકો મહેન્દ્ર નેભાભાઇએ ખાનગી વાહન મારફતે આ બુલેટનો પીછો કર્યો અને તેને 1 કિમી પછી ઝડપી પાડ્યો હતો.

પોલીસે તેની પાસે વાહનનાં કાગળો માંગ્યા હતા પણ આ બુલેટ તેમની માલિકીની ન હોય માલિક રાજુ રાઠોડ (રહે. એરુ ગામ, તા. જલાલપોર)ને બોલાવીને બુલેટનો કબજો સોંપી આગળની કાર્યવાહી હાથ ધરી હતી. પોલીસે લાલ આંખ કરી ટ્રાફિકના નિયમનો ભંગ કરનારા યુવાન ઉપર આઈપીસીની કલમ 279 અને મોટર વ્હિકલ એક્ટની કલમ મુજબ કાર્યવાહી હાથ ધરી જલાલપોર પોલીસના અહેકો પ્રવિણ રત્નાભાઈ તપાસ કરી રહ્યા છે.