ન્યાયની માંગણી:ઈટાળવા ગામમાં ચૂંટણી બહિષ્કારના બેનર લાગ્યાં

નવસારી-વિજલપોર નગરપાલિકા વિસ્તારમાં ઈંટાળવા ગામના લોકોએ અનોખી રીતે ચૂંટણીનો બહિષ્કાર કર્યો અને બહિષ્કારના બેનરો સમગ્ર ગામમાં લગાડવામાં આવ્યા હતા. નવસારી વિસ્તારમાં આવેલ ઇટાળવા ગામની વોટરવર્કર્સની જગ્યામાં એજ ગામની એડવોકેટ મહિલાઓ દ્વારા વોટરવર્કર્સનું તાળું તોડી કબજે કરવાની ઘટના બની હતી.

આ ઘટનાની ગ્રામજનોએ ધારાસભ્ય તેમજ અનેક હોદ્દેદારોને રજૂઆત કરવામાં આવી હતી. પરંતુ કોઈપણ મદદ માટે તૈયાર થયું ન હતું. જેથી નિરાશ થયેલા ગ્રામજનોએ સ્થાનિક સ્વરાજની ચૂંટણીનો બહિષ્કારની ચીમકી ઉચ્ચારી ગામમાં ઠેર ઠેર અમારૂ ગામ, અમારી સમસ્યા, અમે જ સુલઝાવીએ તો પછી વોટ કેવી રીતે આપવો ? અમારા ઇટાળવા ગામમાં કોઈ પણ રાજકીય પક્ષે દાખલ થવું નહીં એવા બેનરો ગ્રામજનોએ લગાડી વિરોધ પ્રદર્શિત કર્યો હતો.