વેપારીઓને રાહત:નવસારીમાં મીઠાઇ અને લાઇટીંગની ખરીદીમાં ઉછાળો

નવસારીમાં દિવાળી પર્વ નિમિત્તે મીઠાઇ અને લાઇટીંગની ખરીદીમાં છેલ્લા બે દિવસમાં ઉછાળો આવ્યો હતો. જેમાં મીઠાઇના વેપારી કમલેશ જરીવાલાએ જણાવ્યું કે, મીઠાઈના વેપારીઓએ માત્ર ઓછો માલ ભરાવ્યો હતો. જેમાં માવાની મીઠાઇનું વેચાણ ખૂબ સારૂ રહ્યું હતું. જ્યારે કાજુ કતરી અને દૂધના માવાની મીઠાઇનો ભાવ વધુ હોવા છતાં તેમાં પણ વેચાણ સારૂ જોવા મળ્યું છે.

આ વખતે નવસારી શહેરમાં 20 જેટલી દુકાનમાં 50 ટકા જ માલ મંગાવ્યો હતો. વાર્ષિક લાઈટમાં 20 લાખનો ધંધો થાય છે. આ વખતે પણ છેલ્લા બે દિવસમાં પણ લાઇટીંગ માટે ગ્રાહકો જોવા મળતા 15લાખથી વધુનો ધંધો થયો હોવાનું ઇલેકટ્રિક વસ્તુના વેપારી જયેશભાઇનું અનુમાન છે.