સ્થાનિક સ્વરાજયની ચૂંટણી:નવસારી જિલ્લા પંચાયતની 30 બેઠક માટે 81 ઉમેદવારીપત્રક જમા કરાયા

નવસારી જિલ્લા પંચાયતની કુલ 30 બેઠકો માટે 81 અને 6 તાલુકા પંચાયત માટે 347 ઉમેદવારીપત્રક શુક્રવાર સુધીમાં ભરાઈ ગયા છે. નવસારી જિલ્લા પંચાયતની કુલ 30 બેઠકો છે.જેના ઉમેદવારીપત્રક ભરવાની શરૂઆત 8મી ફેબ્રુઆરીએ થઈ હતી,શુક્રવાર સુધીમાં કુલ 81 ઉમેદવારોએ ફોર્મ ભરી દીધા હતા.ભાજપ અને કોંગ્રેસના અનેક ઉમેદવારોએ ફોર્મ ભરી દીધા હતા.

જિલ્લા પંચાયતની સાથે જિલ્લામાં આવેલ 6 તાલુકા પંચાયતોમાં પણ ઘણા ભરાઈ ગયા છે.6 તાલુકા પંચાયતોમાં કુલ 347 ફોર્મ ભરાઈ ગયા છે.તાલુકા પંચાયત મુજબ જોઈએ તો નવસારીમાં 35,જલાલપોરમાં 37,ગણદેવીમાં 54,ચીખલીમાં 84,ખેરગામમાં 55 અને વાંસદામાં 82 ફોર્મ ભરાઈ ગયા છે. અહીં ઉલ્લેખનીય છે કે જિલ્લા અને તાલુકા પંચાયતોમાં પણ ઉમેદવારીપત્રક ભરવાનો છેલ્લો દિવસ 13 ફેબ્રુઆરી છે તેથી 13મીએ ફોર્મ ભરવા ધસારો થશે અને વધુ ફોર્મ ભરાવાની શકયતા છે.