અકસ્માત:નવસારીમાં ડમ્પરે અડફેટે લેતા બાઈક પર જતા 40 વર્ષના ડોક્ટરનું મોત, ડમ્પર માથા પર ફરી વળ્યું

નવસારી2 વર્ષ પહેલા
ડમ્પર નીચે માથું આવી જતાં ડોક્ટરનું ઘટના સ્થળે મોત નીપજ્યું હતું - Divya Bhaskar
ડમ્પર નીચે માથું આવી જતાં ડોક્ટરનું ઘટના સ્થળે મોત નીપજ્યું હતું
  • માયાતલાવડી પાસે અકસ્માતમાં ડોક્ટર હીરાલાલ પાટીલનું મોત થયું

ગણદેવી તાલુકાના માલાતલાવડી વિસ્તારમાં ગફલતભરી રીતે આવતા ડમ્પર ચાલકે બાઈક સવાર ડોક્ટરને અડફેટે લીધા હતા. જેમાં માથાના ભાગે ગંભીર ઇજાઓ પહોંચતા ડોક્ટર હીરાલાલ પાટીલનું ઘટનાસ્થળે જ મોત નીપજ્યું હતું. બનાવની જાણ થતાં આસપાસના લોકો એકઠાં થઇ ગયા હતા. મૃતદેહને પીએમ અર્થે ગણદેવી સામુહિક આરોગ્ય કેન્દ્રમાં લઇ જવાયો છે. પોલીસે ઘટનાસ્થળે પહોંચી આગળની કાર્યવાહી હાથ ધરી હતી.

ડમ્પર ચાલકે બાઈક સવાર ડોક્ટરને અડફેટે લીધા હતા
ડમ્પર ચાલકે બાઈક સવાર ડોક્ટરને અડફેટે લીધા હતા

માથું ડમ્પર નીચે આવી જતા મોત થયું
બનાવની વિગતો એવી છેકે, માલાતલાવડી વિસ્તાર પાસે શાર્પ ટર્નિંગમાંથી ડમ્પર પસાર થઇ રહ્યું હતું. એ જ સમયે સાલેજથી નવસારી જતાં માર્ગ પર સામેની તરફથી ડોક્ટર હીરાલાલ પટેલ આવી રહ્યાં હતા. ત્યારે ડમ્પરનો બાઈક સાથે અકસ્માત થયો હતો. જેમાં ડોક્ટરનું માથુ ડમ્પર નીચે આવી ગયું હતું. ગંભીર ઇજાઓ થતાં તેમનું મોત નીપજ્યું હતું.

ડોક્ટર સાલેજમાં 17 વર્ષથી ફરજ બજાવતા હતા
40 વર્ષીય મૃતક હીરાલાલ પટેલ વ્યવસાયે ડોક્ટર હતા અને છેલ્લા 17 વર્ષ ગણદેવી તાલુકાના સાલેજમાં ફરજ બજાવી રહ્યાં હતા. બનાવની જાણ થતાં સાલેજ ગામમાં પણ શોકની લાગણી ફેલાઈ ગઇ હતી.

અન્ય સમાચારો પણ છે...