કોરોના અપડેટ:નવસારી જિલ્લામાં કોરોના સંક્રમણના ઘટાડો યથાવત, આજે નવા આઠ કેસ સામે 14 દર્દી સ્વસ્થ થયા

નવસારી4 મહિનો પહેલા
  • કૉપી લિંક
  • જિલ્લામાં એક્ટિવ કેસની સંખ્યા ઘટીને 124 થઈ
  • સતત ચોથા દિવસે જિલ્લામાં કોઈ મૃત્યુ નહી

નવસારી જિલ્લામાં કોરોનાનો કહેર તબક્કાવાર ઓછો થયો હોય તેમ કેસના આંકડાઓ પરથી ફલિત થયું છે. આજે જિલ્લામાં નવા 08 કેસ નોંધાયા છે. જિલ્લામાં અત્યાર સુધીમાં નોંધાયેલા કુલ પોઝિટિવ કેસનો આંક 7060 પર પહોંચી ચૂક્યો છે. બીજી તરફ સુખદ સમાચાર કહી શકાય કે 14 દર્દીઓ કોરોનાને પછાડીને સાજા થઇ ઘરે પરત ફર્યા છે અને જિલ્લામાં રિકવરી રેટ ઝડપી રીતે વધી રહ્યો છે. જેથી આગામી સમયમાં વેપાર-ધંધા ફૂલ ટાઈમ શરૂ રહી શકે તેવી સંભાવના જોવાઇ રહી છે અને નાઈટ કરફ્યુ પણ દૂર થઇ શકે છે તેવી સ્થિતિનું નિર્માણ થયું છે. અત્યાર સુધી કોરોનાથી સાજા થઈ 6747 દર્દીઓને રજા મળી છે. આજે કોરોનાથી સુખદ કહી શકાય તેમ સતત ચોથા દિવસે એકપણ દર્દીનું મોત નોંધાયુ નથી. તેમજ જિલ્લાનો કુલ મૃત્યુ આંક 189 પર પહોંચ્યો છે. તથા જિલ્લામાં એક્ટિવ કેસ પર નજર નાખીએ તો તેનો આંક 124 છે.

અન્ય સમાચારો પણ છે...