ધાર્મિક:નાંધઈ વેદાશ્રમ ભાગવત કથામાં રૂક્ષ્મણી વિવાહ ઉત્સવ ઉજવાયો

ખેરગામ પંથકનું પાવન તીર્થધામ પૂ.દયાનંદ વેદપાઠીજીની પાવન તપસ્થલી વેદાશ્રમ નાંધઈ ખાતે ચાલી રહેલી કથાકાર પ્રફુલભાઈ શુકલની ભાગવત કથામાં આજે રૂક્ષ્મણી વિવાહ ઉત્સવ ધામધૂમથી ઉજવાયો હતો. ચાંદોદ નિવાસી કૈલાસપુરી મહારાજએ આશીર્વચન આપ્યા હતા. કૌશિકભાઈ નાનુભાઈ ટંડેલ કોસંબાવાળા તરફથી બાર જ્યોતિર્લિંગ મહાદેવને રુદ્રાભિષેક કરાયો હતો.વ્યાસપીઠ પરથી કથાકાર પ્રફુલભાઈ શુકલએ કહ્યુ હતુ કે ભગવાનના પ્રસંગને જે પોતાનો સમજીને ઉજવે છે.એના જીવનના મંગલ પ્રસંગો શ્રીહરિ આવીને ઉજવી જાય છે,આ સંસારમાં ભરોસો જ ભગવાન છે. બે હાથવાળા કરતા હજાર હાથવાળાનો આશ્રય કરવાનો છે બોલીને ફરી જનારા ધર્મનો દંભ કરે છે “ધરમન દૂસર સત્ય સમાના” આજ સાચો ધર્મ છે આવતી કાલે કથાને વિરામ આપવામાં આવશે આ પ્રસંગે મુખ્ય યજમાન દર્શનભાઈ અરવિંદભાઈ દેસાઈ ચીખલી કોલેજ, તથા અમેરિકા નિવાસી કથાકાર બટુકભાઈ શાસ્ત્રીજી ઉપસ્થિત રહીને આશીર્વચન આપશે.