ઉજવણી:નાંધઈ વેદશ્રમની ભાગવત કથામાં ગોવર્ધન પૂજા ઉત્સવ ઉજવાયો

વેદાશ્રમ નાંધઈમાં ચાલી રહેલી ભાગવત કથામાં સોમવારે શારદાબેન જગુભાઈ પટેલ દ્વારા 1લી ફેબ્રુઆરીથી સુખેશ ગામે યોજાનારી ભાગવત કથાનું શ્રીફળ મુહૂર્ત સંપન્ન કરવામાં આવ્યું હતું. કૌશિકભાઈ નાનુભાઈ ટંડેલ, જે.ટી.પટેલ-બિલપુડી દ્વારા ગોવર્ધનપૂજા કરવામાં આવી હતી. જગુભાઈ પટેલના નિવાસે પ્રફુલભાઈ શુકલ 1લીથી 7મી ફેબ્રુઆરી સુધી સંગીતમય ભાગવત કથાનું રસપાન કરાવશે. 796મી કથા નાંધઈ વેદાશ્રમમાં ચાલી રહી છે. 797મી કથા તવરા-ભરૂચ નર્મદા કિનારે થનાર છે. 798મી કથા સુખેશમાં થશે. 799મી કથા રામજી મંદિર કોસંબા ભાગડાવડામાં થનાર છે. દીવ-દમણના પૂર્વ સાંસદ ડાહ્યાભાઈ પટેલ દ્વારા 800મી કથામંગલ મહોત્સવ દમણ યોજવામાં આવ્યો છે. અત્રે ઉલ્લેખનીય છે કે 14 વરસની ઉંમરથી ખેરગામ રામજીમંદિરથી કથાની શરૂઆત કરનાર પ્રફુલભાઈ શુકલ દ્વારા 46 વર્ષમાં 800 કથાની સિદ્ધિ પ્રાપ્ત થઈ રહી છે. માર્ચ મહિનામાં દમણમાં 800મી કથામંગલ મહોત્સવ યોજાશે.