અકસ્માત:એંધલ-દુવાડા ફાંટા પર બે દિ’માં બે અકસ્માત

24 કલાક વાહન વ્યવહારથી વ્યસ્ત રહેતા ને.હા.નં. 48 પર દુવાડા ફાંટા પર છેલ્લા બે દિવસમાં બે અકસ્માત સર્જાયા હતા. બનાવની વિગત એવી છે કે 27મીએ રાત્રે 1 કલાકે ટેન્કર (નં. જીજે-06-એપી-7687)ના ચાલક અમદાવાદથી મુબઈ લાઈનમાં જતો હતો ત્યારે દુવાડા ફાંટા પાસે ઝોકું આવી જતા ટેન્કર ડિવાઈડર પર ચઢાવી દીધું હતું.

જયારે 28મીએ મળસ્કે ટ્રક કન્ટેનર (નં. આરજે-14-જીકે-7077)ના ચાલક દિલ્હીથી મુંબઈ તૈયાર કપડા અને બુટના બોક્ષ લઈને જતો હતો ત્યારે દુવાડા ફાંટા આગળ હાઇવેને પહોળો જોઈ ટ્રક જમણી બાજુ દબાવી હતી પરંતુ કટ પૂરો થતા ત્રણ લાઈન થઇ જતા ડિવાઈડર પર ચઢાવી પલટી મારી ગઈ હતી. જોકે આ બંને અકસ્માતમાં ચાલકનો બચાવ થયો હતો. જયારે વાહનોને ભારે નુકસાન પહોંચ્યું હતું.