ગૌરવ:અસ્પી કન્યા વિદ્યાલયની વિદ્યાર્થિનીએ નિબંધ સ્પર્ધામાં તૃતીય ક્રમ મેળવ્યો

હાલમાં ગુજરાતમાં કોવિડ-19 મહામારીના કપરા સમયમાં ગુજરાતની પ્રજાને પોતાની અને કુટુંબની પરવાહ કર્યા વિના ખડે પગે સેવા કરનાર ગુજરાતનાં કોરોના વોરિયર્સ વિશે 1લી મે ગુજરાત ગૌરવદિન નિમિત્તે જિલ્લા કક્ષાની વિવિધ સ્પર્ધા નિબંધ, કાવ્યલેખન, ચિત્રકામ સ્પર્ધા વગેરે યોજાઇ હતી. જેમાં વિદ્યાર્થીઓએ ઘરે બેસીને વિવિધ સ્પર્ધામાં ઉત્સાહભેર ભાગ લીધો હતો. અસ્પી કન્યા વિદ્યાલય ખાનગી પ્રાથમિક વિભાગ, આંતલિયામાં આચાર્યા બીનાબેન મહેતા તથા શિક્ષકોના માર્ગદર્શન હેઠળ વિવિધ સ્પર્ધામાંથી 62 બાળકોએ ભાગ લીધો હતો જેમાંથી ધો. 6-અ માં ભણતી વિદ્યાર્થિની રીપલ દિપકભાઈ પટેલે નિબંધ સ્પર્ધામાં ભાગ લીધો હતો. નિબંધનો વિષય હતો ‘ગુજરાતનાં કોરોના વોરિયર્સ’ જિલ્લા કક્ષાએ તૃતીય ક્રમ પ્રાપ્ત કરી ઈનામ પ્રાપ્ત કરી શાળાને ગૌરવ અપાવ્યું હતું.