સરપંચોની બેઠક:બીલીમોરા પોલીસ મથકમાં કોરોના સાવચેતી માટે સરપંચોની બેઠક મળી

બીલીમોરા પોલીસ સ્ટેશનના સિનિયર પીએસઆઇ ગરાસિયાની અધ્યક્ષતામાં પોલીસ સ્ટેશનમાં સરપંચોની એક બેઠક યોજવામાં આવી હતી. બેઠકની શરૂઆત સરપંચો દ્વારા કોવિડ-19માં લેવાયેલા સાવચેતીના પગલાં અને તેમાં કરાયેલી કામગીરીની પ્રશંસાથી કરવામાં આવી હતી. તલોધ ગામના સરપંચ ગુલાભાઈ, ભાઠા ગામના સરપંચ ઉપ સરપંચ દીપકભાઈ, ઊંંડાચના સરપંચ વિનોદભાઈ, નાંદરખા સરપંચ સવિતાબેન, વાઘરેચ સરપંચ મનહરભાઈ સહિત બીલીમોરા વિસ્તારના ગામોના સરપંચો મોટી સંખ્યામાં હાજર રહ્યાં હતા.

કોવિડ 19ને લઈ સમયાંતરે તંત્ર દ્વારા બહાર પાડવામાં આવતા જાહેરનામા અને તેના નિયમોનું ચુસ્ત પાલન કરવા બાબતે પીએસઆઇ ગરાસિયાએ હાજર તમામ સરપંચોને વિશેષ અનુરોધ કર્યો હતો. ગ્રામ્ય વિસ્તારોમાં લોકો ટોળે ન વળે, માસ્ક પહેરે તેમજ દો ગજ કી દુરી રાખે એનો ખાસ ખ્યાલ રાખવા જણાવવામાં આવ્યું હતું. જેથી કોરોનાને માત આપી શકાય. બીલીમોરા પોલીસ સ્ટેશનમાં યોજાયેલી બેઠકમાં સેકન્ડ પીએસઆઇ ચૌધરી પણ ઉપસ્થિત રહ્યા હતા.