NCC સપ્તાહ દરમિયાન ટ્રેકને ફ્લેગ ઓફ:NCC ગ્રુપ વડોદરા દ્વારા સરદાર પટેલ નર્મદા ટ્રેક ઓર્ગનનું આયોજન; પાંચ રાજ્યોના 530થી વધુ કેડેટ્સ અને સ્ટાફ જોડાયા

દેશના ભાવિમાં એકતા અને અનુશાસનનું સિંચન કરીને એક કુશળ અને સાહસિક યૌદ્ધા તૈયાર કરતી દેશની નેશનલ કેડેટ્સ કોપ્સ એટલે NCC. NCC ગ્રુપ વડોદરા દ્વારા તાજેતરમાં જ સરદાર પટેલ નર્મદા ટ્રેક ઓર્ગન યોજાયો હતો. જેમાં ગુજરાત સહિત દિલ્હી, ઉત્તરાખંડ, મધ્યપ્રદેશ, છત્તીસગઢ અને મહારાષ્ટ્ર જેવા જુદા-જુદા 6 રાજ્યોના 530થી વધુ કેડેટ્સ અને સ્ટાફ જોડાયા હતા. NCCના જવાનોને ભારતરત્ન સરદાર વલ્લભભાઈ પટેલના ગતિશિલ નેતૃત્વની સમજ અને યાદ આપવા માટે “NCC સપ્તાહ” દરમિયાન ટ્રેકને ફ્લેગ ઓફ કરવામાં આવ્યું હતુ.

NCCનો "MOTO" જ એની ખાસિયત છે, એકતા અને અનુસાશનએ NCCની સાચી ઓળખ છે. કેડેટ્સમાં સમાજનો એક જવાબદાર નાગરિક બનાવવા, સાહસની આદત કેળવવા, વન્ય જીવન અને વનસ્પિત અને પ્રાણીસૃષ્ટિના પર્યાવરણની જાળવણી માટેની ચિંતાને આત્મસાત કરવા અને તેમને સ્થાનિક રીત-રિવાજો-પરંપરા સાથે ગુજરાતની સમૃદ્ધ સંસ્કૃતિ અને વારસાનો પરિચય કરાવવાના ઉદ્દેશ્ય સાથે પાંચ ગુજરાત બટાલિયન, સુરતના કમાન્ડિંગ ઓફિસર કર્નલ ઋષિકેશ સોની દ્વારા તા. 29 નવેમ્બરના રોજ આ ટ્રેકનું ફ્લેગ ઓફ કરવામાં આવ્યું હતુ.

આ ટ્રેકમાં નર્મદા જિલ્લાના જુનારાજ ઇકોલોજિકલ રિઝર્વ ફોરેસ્ટના 24 કિ.મી., કરજણ ડેમ ટ્રેકના 15 કિ.મી. અને સુંદરપુરા ગામ અને પાછળનો 10 કિ.મી.નો ટ્રેક સાથે સ્ટેચ્યુ ઓફ યુનિટીની મુલાકાતનો સમાવેશ કરાયો હતો. તારીખ 27 નવેમ્બરથી તારીખ 6 ડિસેમ્બર, સુધી તબક્કાવાર આ ટ્રેકમાં દિલ્હીના 106 ઉત્તરાખંડના 106, મધ્યપ્રદેશ અને છત્તીસગઢના 106, મહારાષ્ટ્રના 106 અને ગુજરાતના 106 મળી કુલ-530 કેડેટ્સ અને સ્ટાફે ભાગ લીધો હતો. આ ઉપરાંત SOUની એજ્યુકેશન ટુરમાં જંગલ સફારી, મેઝ ગાર્ડન વગેરેની પણ મુલાકાત કરવામાં આવી હતી. ઇવેન્ટ કેડેટ્સને નેતૃત્વના ગુણો વિકસાવવામાં, તેમની શારીરિક સહનશક્તિ, આત્મવિશ્વાસ અને જૂથ શિક્ષણની કસોટી કરવામાં મદદ કરશે. જે કેડેટ્સ માટે જીવન બદલવાનો અનુભવ બની રહેશે. આ શિબીરના અંતે કેડેટ્સ દ્વારા સાંસ્કૃતિક કાર્યક્રમ યોજી પોતપોતાના રાજ્યની સાંસ્કૃતિક, લોકનૃત્ય, ગાયન સાથેની પ્રતિભાઓ પ્રસ્તૃત કરી હતી.