હાય રે કળિયુગ:પિતા અને ભાઇ ઉપર નાના પુત્રનો હુમલો, ધમકી આપ્યાની નાના પુત્ર સામે ફરિયાદ

વિરપુર તાલુકાના જોધપુર ગામે નજીવી બાબતે નાના પુત્રએ ઉશ્કેરાઇ જઇ પિતા અને મોટાભાઇ ઉપર લાકડી વડે હુમલો કરી મારપીટ કરી જાનથી મારી નાખવાની ધમકી આપી છે. વિરપુરના જોધપુર ગામે રહેતાં જુગાભાઇ કાનાભાઇ પરમાર (ઉવ.60)એ ફરિયાદમાં જણાવ્યા મુજબ ગત 30/11મીના રોજ તેમના ઘરે દીકરી અને જમાઇ મહેમાનગતિએ આવ્યા હોઇ તેઓએ રસોઇના સામાન લાવવા માટે નાનાપુત્ર અરવિંદને પૈસા આપી પોતે ખેતરે ગયા હતા. દરમિયાનમાં રસોઇનો સામાન મોડા લાવવા બાબતે મોટાપુત્ર વિક્રમે ઠપકો આપતાં નાનાપુત્ર અરવિંદે ઉશ્કેરાઇ જઇ લાકડી વડે માર મારતાં પિતા જુગાભાઇએ કેમ મોટાભાઇને માર માર્યો તેમ કહેતાં અરવિંદે પિતા જુગાભાઇ અને મોટાભાઇ વિક્રમને લાકડી વડે હુમલ કરી ઇજા પહોંચાડી જાનથી મારી નાખવાની ધમકી આપી પલાયન થઇ ગયો હતો. આ અંગે વિરપુર પોલીસે ફરાર અરવિંદ વિરૂધ્ધ ગુનો દાખલ કર્યો છે.