સન્માન:ડિપ્લોમા ઈન યોગના નડિયાદ સેન્ટરમાં પ્રથમ ક્રમે આવેલા મહિલાનું બહુમાન કરવામાં આવ્યું

નડિયાદ આનંદ આશ્રમ ખાતે ડિપ્લોમા ઈન યોગ સેન્ટર ચાલી રહ્યું છે. જેમાં સ્પાર્ધાનું આયોજન સોમનાથ સંસ્કૃત યુનિવર્સિટી વેરાવળ દ્વારા કરવામાં આવ્યુ હતું. જેમાં એક મહિલા પ્રથમ ક્રમાંકે આવતા તેમણે ગોલ્ડ આપી સન્માનિત કરાયા છે.

અખિલ હિંદ મહિલા સમાજ નડિયાદ દ્વારા યોજાયેલા આ સન્માન કાર્યક્રમમાં સંસ્થાના પ્રમુખ ઉર્મિલાબેન સુથાર, નયનાબેન પટેલ, કોકીલાબેન પટેલ, જ્યોતિબેન તલાટી, દક્ષાબેન તલાટી,ઉષાબેન શાહ, જયશ્રીબેન સોની, ભાવનાબેન ભટ્ટ, હની દેસાઈ, હેતલબેન, પરિન્દાબેન પટેલ, ભાવનાબેન ઠાકર તેમજ અન્ય મહિલાઓ હાજર રહ્યા હતા. વિજેતા થયેલા બહેનનો ઉત્સાહ વધારવા માટે દરેક મહિલાઓએ ભેગા મળીને પ્રથમ ક્રમાંકે આવેલા બિંદીબેન પટેલનું સન્માન કર્યું હતું.

આ સન્માન કાર્યક્રમની પૂર્ણાહૂતિ બાદ હાજર રહેલી તમામ મહિલીઓએ અવનવી વાનગીઓ બનાવવાની સ્પર્ધાનું પણ આયોજન કર્યું હતું. આ હરિફાઈમાં દરેક મહિલાઓએ ઉત્સાહ પૂર્વક ભાગ લીધો હતો અને આ સ્પર્ધામાં પણ વિજેતા બનેલા મહિલાઓનું સન્માન કરવામાં આવ્યુ હતું.