ધરપકડ:કપડવંજના તોરણાનો બનાવટી પોલીસનો સાગરીત ઝડપાયો

કપડવંજના તોરણામાં રહેતા મયુદ્દીન ગુલામહુસેન બેલિસ્મ પોતાની રીક્ષા લઇને કપડવંજ તરફ જઇ રહ્યા હતા ત્યારે તોરણા ગામ પાસે બાઇક ઉપર આવેલા બે શખ્સોએ પોતાની પોલીસ તરીકેની ઓળખ આપીને માસ્ક ન પહેર્યું હોવાથી દંડની રકમ ભરવાની વાત કરી હતી.

જોકે, મયુદ્દીનભાઇને શંકા જતાં તેઓએ બંને શખ્સોને ક્યા પોલીસ મથકમાં ફરજ બજાવો છો તેમ પૂછતાં, પકડાઇ જવાની બીકે પપ્પુ જાદવ (રહે.સીંગરવા) નામનો શખ્સ બાઇક લઇને ત્યાંથી ફરાર થઇ ગયો હતો, જ્યારે મનુ સોલંકીને મયુદ્દીનભાઇએ લોકોની મદદથી ઝડપી પોલીસને હવાલે કર્યો હતો. તપાસમાં કપડવંજ રૂરલ પોલીસની ટીમે પપ્યુ યાદવને ઝડપી પાડ્યો હતો. હાલમાં બંનેની તપાસ કરવામાં આવી રહી છે.