મુલાકાત:ચૂંટણી નિરીક્ષકે પેટલાદ બોરસદની મુલાકાત લીધી

આણંદ જિલ્લામાં આગામી તા.28 ફેબ્રુઆરીના રોજ યોજાનારી પાલિકા, તાલુકા અને જિલ્લા પંચાયતની ચૂંટણીની જિલ્લા તંત્ર દ્વારા તૈયારીઓ પૂર્ણ કરવામાં આવી છે. જિલ્લામાં યોજાનારી ચૂંટણી માટે ચૂંટણી નિરીક્ષક તરીકે વિણા પટેલની ચૂંટણી પંચે નિમણૂક કરી છે. તેઓએ આજે પેટલાદ અને બોરસદની મુલાકાત લીધી હતી.

ચૂંટણી સાથે જોડાયેલા અધિકારી અને કર્મચારી ઓ સાથે સંવાદ કરી મતદાન માટેની વ્યવસ્થાની સમિક્ષા કરી હતી. બપોર બાદ તેઓએ પત્રકારો સમક્ષ જિલ્લામાં ચૂંટણી સંદર્ભે કરાયેલ તૈયારીઓ અને વ્યવસ્થાથી સંતોષ વ્યક્ત કરતા જણાવ્યું કે, જિલ્લામાં ચૂંટણીની તૈયારીઓ અને ચૂંટણી સાથે જોડાયેલ અધિકારીઓ કર્મચારીઓ અનુભવી જોવા મળ્યા. ચૂંટણી નિરીક્ષકે આણંદ જિલ્લાના મતદાર મંડળોના મતદારો ને નાગરિકો ને કોઈને કોઈપણ પ્રશ્ન હોય તો તેઓ મને રજુઆત કરી શકે છે તેમ જણાવ્યું હતું.