ઘરપકડ:નડિયાદની અડધા કરોડની ચોરીમાં સોની પકડાયો, ચોરેેે 3 લાખ સાચવવા આપ્યાં હતાં

નડિયાદ જીઆઈડીસીની બંધ ફેક્ટરીમાં ખાડો ખોદી દાઢેલા રૂ.51 લાખ અને દાગીનાની ચોરી થઇ હતી. આ કેસમાં પોલીસે ચાર તસ્કરને પકડી રીમાન્ડ મેળવ્યાં હતાં. જેમાં વધુ એક સોનીનું નામ ખુલતા પોલીસે તેની અટકાયત કરી જેલ હવાલે કર્યો હતો.

નડિયાદ જીઆઈડીસીની બંધ ફેક્ટરીમાં દાટેલા રૂ.51 લાખ અને દાગીનાની ચોરી પ્રકરણમાં સંજય રઇજીભાઈ તળપદા, દેવેન્દ્ર ઉર્ફે દેવો રાજુભાઈ તળપદા, નરેન્દ્ર સંતુભાઈ તળપદા અને દિનેશ ગોવિંદભાઈ તળપદા સામે ગુનો નોંધી અટકાયત કરી હતી. વધુ તપાસ અર્થે રિમાન્ડ મેળવતા તેઓએ ચોરીની રકમમાં રૂા.ત્રણ લાખ નડિયાદના વિજય હિરાલાલ સોનીને આપ્યાં હતાં. આથી, પોલીસે વિજયને ચોરીનો મુદ્દામાલ રાખવા બાબતે અટકાયત કરી આગળની કાર્યવાહી હાથ ધરવામાં આવી હતી.