સ્વાગત:નડિયાદમાં ખેડૂત નેતા રાકેશ ટીકૈતનું ભવ્ય સ્વાગત કરવામાં આવ્યું

નવા કૃષિ કાયદાના વિરોધમાં છેલ્લા કેટલાય માસથી આંદોલન ચલાવી રહેલા સંયુક્ત કિસાન મોરચાના નેતા રાકેશ ટીકૈત આજે નડિયાદ આવ્યા હતા. તે સમયે તેમનું ભવ્ય સ્વાગત કરવામાં આવ્યું હતું.

સોમવારે સવારે સંયુક્ત કિસાન મોરચાના નેતા રાકેશ ટીકૈત કરમસદ જતાં પહેલાં નડિયાદ આવ્યા હતા. નડિયાદની પીપલગ ચોકડી પાસે રાકેશ ટીકૈતનું ભવ્ય સ્વાગત કરવામાં આવ્યું હતું. નડિયાદ શહેર કોંગ્રેસ દ્વારા ખેડૂત નેતાનું ફુલહારથી સ્વાગત કરવામાં આવ્યું હતું. આ પ્રસંગે કોંગ્રેસના અગ્રણીઓ હાજર રહ્યા હતા. યાત્રામાં આવેલ 6 જેટલી કારમાં 25 વ્યક્તિઓનું ફુલહાર કરી સ્વાગત કરાયુ છે. આ પ્રસંગે માજી મુખ્ય મંત્રી પણ હાજ શંરકરસિંહ વાઘેલા હાજર રહ્યાં હતા. સ્વાગત કરાયા બાદ આ યાત્રા આગળ કરમસદ જવા રવાના થઈ હતી.